Як лічыць аўстрыйская парлямэнтарка, у Беларусі ў выніку палітычных перакананьняў перасьледуюцца і іншыя апанэнты рэжыму — апазыцыйныя палітыкі, бізнэсоўцы. Прысуды, якія выносяцца гэтым людзям, супрацьпраўныя. Больш за тое, адказныя беларускія чыноўнікі маюць непасрэднае дачыненьне да зьнікненьня крытыкаў рэжыму, — лічыць аўстрыйская дэпутатка.
Як зазначае старшыня юрыдычнага камітэту, сябра партыі нямецкіх хрысьціянскіх дэмакратаў Эдуард Лінтнэр, “беларускія ўлады дэманструюць ўсяму сьвету зьнявагу да правоў чалавека і ўласную бессаромнасьць”. Хто так сябе паводзіць, сам “выключае сябе зь міжнародных структураў”, — лічыць Эдуард Лінтнэр.
