Лінкі ўнівэрсальнага доступу

ВІЦЕБСКІЯ АКТОРЫ-“КОЛАСАЎЦЫ” ЗЬБІРАЮЦЬ СРОДКІ НА ЎШАНАВАНЬНЕ ПАМЯЦІ СВАЙГО БЫЛОГА РЭЖЫСЭРА


Браніслава Станкевіч, Віцебск

Зборнік “Я пасьпею, я ўсё пасьпею” выдадзены выключна на сяброўскія ахвяраваньні: “коласаўцы” шматкроць выяжджалі са сваімі дабрачыннымі спэктаклямі ў Менск ды Магілёў, дзе Валеры Масьлюк таксама калісьці працаваў ды пакінуў па сабе дабрую памяць. Яшчэ на пачатку 1980-х гадоў у Магілёўскім абласным тэатры Масьлюк паставіў “Тутэйшых” Янкі Купалы, а ў Віцебску зьявіўся спэктакль “Клемэнс”, які зьбіраў сотні нацыянальна сьвядомых гледачоў з усяе Беларусі.

30 сакавіка ў Віцебску паказалі апошнюю пастаноўку вядомага рэжысэра “Кахаю, спадзяюся, чакаю”. Гэтая пастаноўка лічыцца адной з найлепшых у рэпэртуары тэатру, да таго ж гэта цалкам аўтарская праца Валерыя Масьлюка: ён пераклаў і дапрацаваў арыгінальны тэкст п’есы, увёў новых пэрсанажаў і сам напісаў для іх словы.

Сабраныя ад сёньняшнягя спэктакля сродкі “коласаўцы” вырашылі ахвяраваць на помнік Валерыю Масьлюку.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG