Мітынг пройдзе пад дэвізам – "За годнае й заможнае жыцьцё". Арганізатары плянуюць пачаць акцыю а палове шостай увечары з пляцу Якуба Коласа.
Сёньня ў Менску таксама прайшло паседжаньне Сойму БНФ. Сябры Сойму прынялі рашэньне ўзяць актыўны ўдзел у выбарах у мясцовыя органы ўлады, якія пройдуць у беларусі ў наступным годзе, а таксама выступілі з заявай у падтрымку Саюзу беларускіх пісьменьнікаў, які ўлады спрабуюць канчаткова высяліць зь менскага Дому літаратараў.
