Лінкі ўнівэрсальнага доступу

НА БЕЛАРУСКА-ЎКРАІНСКАЙ МЯЖЫ НЕПАДАЛЁК ГОМЕЛЯ АДКРЫЎСЯ НОВЫ ПАМЕЖНЫ ПЕРАХОД


Казімер Яноўскі, Гомель

Ён стаіць на шляху сёмага міжнароднага калідору, які празь Беларусь злучае шэраг рэгіёнаў Украіны і Малдовы з Прыбалтыкай і Расеяй. Суседняя Расея ўдзельнічала ў фінансаваньні новабудоўлі.

У сучасных памяшканьнях разьмесьціліся службы мытнага, памежнага, санітарна-эпідэміялягічнага, радыяцыйнага і вэтэрынарнага кантролю. Пункт абсталяваны найноўшымі тэхнічнымі сродкамі, улучна зь відэаназіраньнем.

У цырымоніі адкрыцьця пункту ўзялі ўдзел кіраўнікі мытнага і памежнага ведамстваў Беларусі, прадстаўнікі адпаведных службаў Украіны.

Старшыня камітэту памежных войскаў Беларусі генэрал Паўлоўскі заявіў, што дзяржаўная мяжа зьяўляецца паказчыкам сувэрэнітэту краіны, але яна не падзяляе Беларусь і Ўкраіну, а стварае камфортныя ўмовы для людзей падчас перасячэньня мяжы.

Па завяршэньні будаўніцтва памежнага пункту "Новая Гута" ягоная прапускная здольнасьць падвысіцца ўтрая.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG