Зянон Пазьняк меў сустрэчу ў Дзярждэпапртамэнце ЗША з дырэктарам офісу ў справах Беларусі, Украіны і Малдовы Грэгам Пэрэтам. У часе сустрэчы абмяркоўваліся пытаньні ўнутрыпалітычнай сытуацыі ў Беларусі, расклад сілаў напярэдадні маючых адбыцца прэзыдэнцкіх выбараў і роля нацыянальна-вызвольнага руху, а таксама ўплыў Расеі на ўнутрыпалітычную сытуацыю ў Беларусі ды шэраг іншых пытаньняў. Сустрэча цягнулася амаль гадзіну і мела, з большага, азнаямленчы характар. Грэг Пэрэт быў зусім нядаўна прызначаны на пасаду дырэктара офісу ў справах Беларусі, Украіны і Малдовы ў Дзярждэпартамэнце пад кіраўніцтвам Коліна Паўэла.
Зянон Пазьняк стаў першым беларускім палітыкам, які сустрэўся з прадстаўніком Дзярждэпартамэнту такога ўзроўню пасьля зьмены адміністрацыі ў Белым Доме.
Радыё Свабода стала вядома, што спадар Грэг Пэрэт плянуе наведаць Беларусь найбліжэйшым часам.
