Лінкі ўнівэрсальнага доступу

Навіны 16 кастрычнiка 2000 г.


Ганна Соусь

Сяргей Калякін, лідэр Партыі камуністаў Беларускай, наступным чынам пракамэнтаваў вынікі выбараў у інтэрвію нашай карэспандэнтцы:

(Калякін: ) "Мы ня згодныя зь меркаваньнем Цэнтравыбаркаму адносна таго, што ў выбарах узялі ўдзел больш за 60 адсоткаў выбаршчыкаў. Мы лічым, што каля паловы выбаршчыкаў удзельнічалі ў выбарах. На нашую думку, у Менску выбары не адбыліся ў ніводнай акрузе. Выбары былі нераўнапраўнымі й несправядлівымі. Ад самага пачатку вялося аднабаковае фармаваньне грамадзкае думкі, і ў гэтым актыўна ўдзельнічалі дзяржаўныя сродкі масавай інфармацыі.

Мы не падтрымлівалі акцыю байкоту, і мяркуем, што арганізатары байкоту дзейнічалі разам з уладамі, і дапамагалі ўладам атрымаць неабходныя вынікі. На маю думку, байкот выбараў не карысны для Беларусі.

Паводле папярэдніх ацэнак, за нашых кандыдатаў прагаласавалі 14% выбаршчыкаў. Гэта неблагі вынік. Але мы не перамаглі на гэтых выбарах. Улада паказала, што яна ні ў якіх выбарах у гэтай краіне сумленна перамагчы ўжо ня здолее. А ў рэшце рэшт, на жаль, народ Беларусі зноў прайграў".

Гутарыла

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG