Лінкі ўнівэрсальнага доступу

Навіны 09 сьнежня 1999 г.


Віталь Тарас, Прага

З просьбай выказаць свае адносіны да падпісанай у Крамлі беларуска-расейскай дамовы мы зьвярнуліся да старшыні Сялянскай партыі Расеі, вядомага публіцыста Юрыя Чарнічэнкі. Зараз ён балатуецца на выбарах у Дзяржаўную Думу ў Горным Алтаі. На тэлефоннай сувязі з намі Горна-Алтайск.

(Чарнічэнка: ) "Людзі, блізкія мне па духу 60-х гадоў – Васіль Быкаў, Адамовіч і шэраг іншых – беларусы. Паміж імі й намі правесьці рысу немагчыма, як паміж маім правым лёгкім і левым лёгкім. Мы адзіны арганізм. Але мяне насьцярожвала вечная расправа вашага беларускага бацькі над свабодай слова. Я ня думаю, што перабываньне ў Крамлі зьменіць гэтага сапраўды ўнікальнага чалавека. Ня думаю.
Таму мяне, як дэпутата, дэмакрата першай хвалі й сябра міжрэгіянальнай групы, уразілі ягоныя гумовыя дубінкі ды расправы такога кшталту, на якія Ельцын да скону дзён усё-ткі ня здольны. Вось мой шчыры адказ".

(Карэспандэнт: ) "Спадар Чарнічэнка, ствараецца ўражаньне, што цяпер усе палітычныя партыі ў Расеі – ад левых да правых – сыходзяцца ў падтрымцы саюзу зь Беларусяй, хай сабе зь невялікімі агаворкамі наконт тэрмінаў ягонага стварэньня. Ці не здаецца Вам, што дамова была падпісаная ўладмі ў Маскве менавіта зараз у мэтах папаганды напярэдадні выбараў у Думу?"

(Чарнічэнка: ) "Магчыма. Нічога тут крымінальнага я ня бачу. Але пагадзіцеся вось з чым. Пасьля фактычнага зьліцьця Эўропы, якая зрабілася ўсё-ткі ў вялікай ступені адзіным грамадзтвам, усялякае адраджэньне савецкай імпэрыі, нават невялічкі крок, будзе ўспрынятае выбаршчыкамі вельмі, нават, станоўча".

Гутарыў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG