Пятыя суткі сухой галадоўкі Віктара Ганчара прымушаюць мэдыкаў казаць пра небясьпеку жыцьцю старшыні ЦэнтарВыбарКаму. У камэры спэцразьмеркавальніка на Акрэсьціна працягвае галадоўку Анатоль Гурыновіч. Заўтра на свабоду павінен выйсьці сакратар ЦВК Барыс Гюнтэр. Беларускія палітыкі і грамадзкія дзеячы робяць усё ад іх залежнае для зьмены небясьпечнай сытуацыі. Сёньня ўначы да Віктара Ганчара, які пятыя суткі трымае сухую галадоўку пратэсту, двойчы выклікалася хуткая дапамога, бо ў Ганчара быў сардэчны прыступ. Пяты дзень сухой галадоўкі, як гавораць мэдыкі, найбольш небясьпечны арганізм пачынае атручвацца шлакамі, і ў ім пачынаюцца незваротныя працэсы. Як заявіла нашаму радыё жонка Віктара Ганчара Зінаіда... (З.Ганчар:) «Проста далі каманду мне пра гта сказала начальства гэтай установы каманду зьверху, і пакуль Лукашэнка не адменіць гэтай каманды, Ганчара будуць трымаць тут. Сёньня ўначы яму двойчы выклікалі хуткую дапамогу з-за прыступаў сэрца і рабілі кардыяграму. Вынікаў я ня ведаю. У камэры Ганчара вельмі халодна. Там сядзяць чатыры чалавекі, туды быў падселены нейкі чалавек з Прыбалтыкі». Сёньня зранку дэпутаты гарсавету Мікалай Бусьнюк і старшыня падкамісіі ў справах законнасьці й правапарадку Алег Волчак спрабавалі патрапіць у спэцразьмеркавальнік. Дэпутаты гарсавету, згодна з законам, маюць права наведаць гэтую ўстанову, атрымаўшы скаргі. Тры жонкі асуджаных сяброў ЦВК Гурыновіч, Ганчар і Гюнтэр гэткія скаргі напісалі. Але начальнік спэцразьмеркавальніка Алег Палутаў дэпутатаў гарсавету не пусьціў. Абураны Алег Волчак заявіў: (Волчак:) «Гэткага бардаку і нахабства я ад Палутава не чакаў. 3 сакавіка я яму запыт даў пэрсанальна ў рукі, а цяпер ён адмаўляецца, што атрымаў ад мяне гэтую пастанову. Я яму сказаў: «Вы што, зусім дурны?» Няма проста словаў...» Алег Волчак накіраваў скаргу гарадзкому пракурору Купрыянаву. Сёньня ж дэпутаты Вярхоўнага Савету Беларусі Аляксандар Дабравольскі, Валеры Шчукін, Уладзімер Навасяд, а таксама Анатоль Лябедзька накіраваліся ў гарадзкі суд, каб старшыня суду Міхаіл Ардзяка адмяніў прысуд Віктару Ганчару. «Гэта ў кампэтэнцыі Міхаіла Ардзякі», - заявіў Анатоль Лябедзька. (Лябедзька:) «Сустрэча завяршылася на павышаных танах. Была выкліканая міліцыя, і нас фактычна з кабінэта папрасілі выйсьці з дапамогай АМОНаўцаў». Аднак прэсавы сакратар «Хартыі-97» Алег Бябенін ня выключыў, што сёньня гарадзкі суд усё ж зьбярэцца на нечарговае пасяджэньне ў справе Ганчара. У апошнія дні дэпутаты імкнуцца зрабіць усё ад іх залежнае, каб аблегчыць лёс сяброў выбаркаму, што трымаюць галадоўку. Учора яны зьвярнуліся да кіраўніка маніторынгава-кансультацыйнай місіі АБСЭ ў Менску Ганса-Георга Віка з просьбай наведаць камэру Ганчара, але Вік адмовіўся. Гэтая адмова справакавала раздражненьне беларускай апазыцыі. У звароце, накіраваным сёньня дэпутатамі на імя дзяржаўнага сакратара Злучаных Штатаў Амэрыкі Мэдлін Олбрайт, гаворыцца: «Дэмакратычная грамадзкасьць абураная дзеяньнямі АБСЭ ў Менску. Кіраўнік місіі сп. Вік ня толькі праігнараваў учорашні зварот 16-ці дэпутатаў Вярхоўнага Савету і лідэраў дэмакратычных партыяў і арганізацыяў з прьбай праверыць умовы ўтрыманьня Ганчара ў вязьніцы, але і адмаўляецца весьці сур'ёзныя перамовы з прадстаўнікамі дэмакратычнае апазыцыі. Намесьнік кіраўніка місіі сп. Кляйнэр у шэрагу заяваў фактычна санкцыянаваў рэпрэсіі ўладаў Беларусі супраць апазыцыі». Заява аналягічнага зьместу накіраваная міністру замежных справаў Польшчы Браніславу Герэмку. Дэпутаты, палітычныя дзеячы і прадстаўнікі грамадзкасьці спадзяюцца на падтрымку і салідарнасьць у гэты, як гаворыцца ў заяве, «крытычны для беларускай дэмакратыі момант». Пра мяжу трываньня заявіў сёньня і іншы сябар ЦэнтарВыбарКаму Сяргей Абадоўскі, які на трэція суткі галадоўкі быў шпіталізаваны. У ягонай заяве, распаўсюджанай сёньня, гаворыцца, што калі да 17-тай гадзіны сёньня Віктар Ганчар ня будзе адпушчаны на свабоду, «я і мае таварышы пакідаем за сабой права на правядзеньне акцыі грамадзянскага непадпарадкаваньня і самаахвяраваньня». Сёньня ў КГБ Беларусі быў выкліканы прэсавы сакратар ЦВК Аляксандар Коктыш, якому вынесенае папярэджаньне аб крымінальнай адказнасьці паводле артыкулу 61 крымінальнага кодэксу «змова». падпісаць пратакол Аляксандар Коктыш адмовіўся.
Пятыя суткі сухой галадоўкі Віктара Ганчара прымушаюць мэдыкаў казаць пра небясьпеку жыцьцю старшыні ЦэнтарВыбарКаму. У камэры спэцразьмеркавальніка на Акрэсьціна працягвае галадоўку Анатоль Гурыновіч. Заўтра на свабоду павінен выйсьці сакратар ЦВК Барыс Гюнтэр. Беларускія палітыкі і грамадзкія дзеячы робяць усё ад іх залежнае для зьмены небясьпечнай сытуацыі. Сёньня ўначы да Віктара Ганчара, які пятыя суткі трымае сухую галадоўку пратэсту, двойчы выклікалася хуткая дапамога, бо ў Ганчара быў сардэчны прыступ. Пяты дзень сухой галадоўкі, як гавораць мэдыкі, найбольш небясьпечны арганізм пачынае атручвацца шлакамі, і ў ім пачынаюцца незваротныя працэсы. Як заявіла нашаму радыё жонка Віктара Ганчара Зінаіда... (З.Ганчар:) «Проста далі каманду мне пра гта сказала начальства гэтай установы каманду зьверху, і пакуль Лукашэнка не адменіць гэтай каманды, Ганчара будуць трымаць тут. Сёньня ўначы яму двойчы выклікалі хуткую дапамогу з-за прыступаў сэрца і рабілі кардыяграму. Вынікаў я ня ведаю. У камэры Ганчара вельмі халодна. Там сядзяць чатыры чалавекі, туды быў падселены нейкі чалавек з Прыбалтыкі». Сёньня зранку дэпутаты гарсавету Мікалай Бусьнюк і старшыня падкамісіі ў справах законнасьці й правапарадку Алег Волчак спрабавалі патрапіць у спэцразьмеркавальнік. Дэпутаты гарсавету, згодна з законам, маюць права наведаць гэтую ўстанову, атрымаўшы скаргі. Тры жонкі асуджаных сяброў ЦВК Гурыновіч, Ганчар і Гюнтэр гэткія скаргі напісалі. Але начальнік спэцразьмеркавальніка Алег Палутаў дэпутатаў гарсавету не пусьціў. Абураны Алег Волчак заявіў: (Волчак:) «Гэткага бардаку і нахабства я ад Палутава не чакаў. 3 сакавіка я яму запыт даў пэрсанальна ў рукі, а цяпер ён адмаўляецца, што атрымаў ад мяне гэтую пастанову. Я яму сказаў: «Вы што, зусім дурны?» Няма проста словаў...» Алег Волчак накіраваў скаргу гарадзкому пракурору Купрыянаву. Сёньня ж дэпутаты Вярхоўнага Савету Беларусі Аляксандар Дабравольскі, Валеры Шчукін, Уладзімер Навасяд, а таксама Анатоль Лябедзька накіраваліся ў гарадзкі суд, каб старшыня суду Міхаіл Ардзяка адмяніў прысуд Віктару Ганчару. «Гэта ў кампэтэнцыі Міхаіла Ардзякі», - заявіў Анатоль Лябедзька. (Лябедзька:) «Сустрэча завяршылася на павышаных танах. Была выкліканая міліцыя, і нас фактычна з кабінэта папрасілі выйсьці з дапамогай АМОНаўцаў». Аднак прэсавы сакратар «Хартыі-97» Алег Бябенін ня выключыў, што сёньня гарадзкі суд усё ж зьбярэцца на нечарговае пасяджэньне ў справе Ганчара. У апошнія дні дэпутаты імкнуцца зрабіць усё ад іх залежнае, каб аблегчыць лёс сяброў выбаркаму, што трымаюць галадоўку. Учора яны зьвярнуліся да кіраўніка маніторынгава-кансультацыйнай місіі АБСЭ ў Менску Ганса-Георга Віка з просьбай наведаць камэру Ганчара, але Вік адмовіўся. Гэтая адмова справакавала раздражненьне беларускай апазыцыі. У звароце, накіраваным сёньня дэпутатамі на імя дзяржаўнага сакратара Злучаных Штатаў Амэрыкі Мэдлін Олбрайт, гаворыцца: «Дэмакратычная грамадзкасьць абураная дзеяньнямі АБСЭ ў Менску. Кіраўнік місіі сп. Вік ня толькі праігнараваў учорашні зварот 16-ці дэпутатаў Вярхоўнага Савету і лідэраў дэмакратычных партыяў і арганізацыяў з прьбай праверыць умовы ўтрыманьня Ганчара ў вязьніцы, але і адмаўляецца весьці сур'ёзныя перамовы з прадстаўнікамі дэмакратычнае апазыцыі. Намесьнік кіраўніка місіі сп. Кляйнэр у шэрагу заяваў фактычна санкцыянаваў рэпрэсіі ўладаў Беларусі супраць апазыцыі». Заява аналягічнага зьместу накіраваная міністру замежных справаў Польшчы Браніславу Герэмку. Дэпутаты, палітычныя дзеячы і прадстаўнікі грамадзкасьці спадзяюцца на падтрымку і салідарнасьць у гэты, як гаворыцца ў заяве, «крытычны для беларускай дэмакратыі момант». Пра мяжу трываньня заявіў сёньня і іншы сябар ЦэнтарВыбарКаму Сяргей Абадоўскі, які на трэція суткі галадоўкі быў шпіталізаваны. У ягонай заяве, распаўсюджанай сёньня, гаворыцца, што калі да 17-тай гадзіны сёньня Віктар Ганчар ня будзе адпушчаны на свабоду, «я і мае таварышы пакідаем за сабой права на правядзеньне акцыі грамадзянскага непадпарадкаваньня і самаахвяраваньня». Сёньня ў КГБ Беларусі быў выкліканы прэсавы сакратар ЦВК Аляксандар Коктыш, якому вынесенае папярэджаньне аб крымінальнай адказнасьці паводле артыкулу 61 крымінальнага кодэксу «змова». падпісаць пратакол Аляксандар Коктыш адмовіўся.
Самае папулярнае
1