Учорашні вопіс маёмасьці прыватнае менскае друкарні “Мэджык” выклікаў
трывогу ў асяродзьдзі прадстаўнікоў незалежных выданьняў. Сёньня Беларуская
асацыяцыя журналістаў у сувязі з гэтым крокам уладаў зьвярнулася па дапамогу
да айчыннай і міжнароднай супольнасьці.
Вопіс друкарскага абсталяваньня “Мэджыку” сябры БАЖу разлядаюць як знак
чарговае бяды, што насоўваецца зараз у Беларусі на незалежныя сродкі масавай
інфармацыі. Гаворыць сябра рады гэтай грамадзкай арганізацыі Ўладзімер
Дзюба:
(Дзюба: ) “Гэта пачатак кампаніі жорсткага ўціску на незалежную прэсу
ў Беларусі, які зьвязаны з маючымі адбыцца ў наступным годзе прэзыдэнцкімі
выбарамі. А якія могуць быць захады ў абарону “Мэджыка”? Гэта ў першую
чаргу прыцягнуць увагу жырналісцкіх міжнародных арганізацыяў. Другое, што
мы можам тут прадпрыняць, гэта адпрацаваць тактыку выжываньня газэт. Справа
ў тым, што там друкуюцца каля 20 незалежных беларускіх газэтаў, у “Мэджыку”,
прыцягнуць увагу чытачоў вось да гэтай праблемы. Мыгчымыя нейкія масавыя
акцыі”.
— зазначыў Уладзімер Дзюба.
“Белорусская деловая газета” — адно з выданьняў, што друкуецца ў “Мэджыку”.
Намер уладаў спаралізаваць дзейнасьць прыватнае друкарні, відавочна, наўпрост
зьвязаны з далейшым лёсам гэтага выданьня. Якое выйсьце ў гэтай сытуацыі
бачыцца ягонаму кіраўніцтву? Вось што на гэтае пытаньне нашага радыё адказаў
генэральны дырэктар закрытага акцыянэрнага таварыства “Белорусская деловая
газета” Эдуард Мельнікаў:
(Мельнікаў: ) “У практыцы БДГ быў вопыт, калі мы друкаваліся ў Вільні,
але зараз гэта немагчыма. Акрамя ўсіх астатніх абставінаў, гэта яшчэ і
эканамічна ніяк ня будзе добра. Таму вельмі цяжкае становішча. Тут толькі
адно выйсьце – абарона сваіх правоў з дапамогай, можа, дэмакратычных сілаў
Беларусі, замежных арганізацыяў. Калі гэтага ня здарыцца, сытуацыя будзе
вельмі жахліваю, безвыходнаю”.
— лічыць Эдуард Мельнікаў.
Падзеямі вакол “Мэджыку” заклапочаныя і прадстаўнікі незалежных мас-мэдыяў,
якія выдаюцца ў іншых друкарнях. Напрыклад, газэта “Беларуская маладзёжная”
друкуецца ў менскай друкарні “Чырвоная зорка”. Гаворыць галоўная рэдактарка
“Беларускай маладзёжнай” Тацяна Мельнічук:
(Мельнічук: ) “Паліграфічная база ў рэспубліцы вельмі недасканалая ў
тым сэнсе, што яна рознай ведамаснай прыналежнасьці. Гэта па-перашае. Па-другое,
амаль нідзе нама вялікіх газэтных цэхаў. Вялікія наклады перакінуць тэрмінова
пактына немагчыма. Гэта, канешне, дзяржаўная манаполія на дом друку, таму
што там сканцэнтраваная найбольш магутная паліграфічная база, а ўсе астатнія
нашыя друкарні, як там дзяржава ні кажа, што яна пра іх клапоціцца, яны
ў заняпадзе. Калі пагоняць з таго месца, дзе мы зараз друкуемся, я ня ведаю
такога варыянта, дзе б можна было ў экстрэмальныя выпадку наладзіць друкарскую
вытворчасьць”.
— зазначыла галоўная рэдактарка газэты “Беларуская маладзёжная” Тацяна
Мельнічук.
Міхал Стэльмак, Менск
Самае папулярнае
1