У заяве Дзярждэпартамэнту гаворыцца, што прапанаваны Асадам мірны плян «адарваны ад рэальнасьці» і зьяўляецца нічым іншым, як чарговай «спробай рэжыму ўхапіцца за ўладу».
Апазыцыя, якая раней называла галоўнай умовай разьвязаньня крызісу сыход з палітычнай сцэны Башара Асада, холадна ўспрыняла яго словы, назваўшы дзеяньні прэзыдэнта спробай сарваць дыпляматычнае вырашэньне канфлікту.
Прадстаўнікі Эўразьвязу паўтарылі заклік да Асада сысьці ў адстаўку для вырашэньня палітычнага крызісу ў Сырыі.
Прэзыдэнт Сырыі Башар аль-Асад абвясьціў у нядзелю новую ініцыятыву, якая мае на мэце аднавіць мір у яго краіне — склікаць канфэрэнцыю нацыянальнага замірэньня і пачаць распрацоўваць новую канстытуцыю.
Выступаючы на тэлебачаньні ўпершыню ад лістапада, ён адхіліў магчымасьць перамоваў, паводле яго слоў, з апазыцыйнымі «марыянэткамі». Як заявіў Асад, яго ініцыятыва мае шанец ажыцьцявіцца толькі ў выпадку, калі краіны Захаду і суседнія арабскія краіны перастануць фінансаваць «крымінальнікаў-забойцаў», як ён назваў сваіх супернікаў.
Паводле ацэнак ААН, абвешчаных на пачатку месяца, за 21 месяц канфлікту і баёў паміж урадавымі войскамі і сіламі ўзброенай апазыцыі ў Сырыі загінулі больш за 60 тысяч чалавек. Упершыню ацэнкі ААН перавысілі зьвесткі сырыйскай апазыцыі, якая заяўляла пра больш чым 46 тысяч загінулых.
Апазыцыя, якая раней называла галоўнай умовай разьвязаньня крызісу сыход з палітычнай сцэны Башара Асада, холадна ўспрыняла яго словы, назваўшы дзеяньні прэзыдэнта спробай сарваць дыпляматычнае вырашэньне канфлікту.
Прадстаўнікі Эўразьвязу паўтарылі заклік да Асада сысьці ў адстаўку для вырашэньня палітычнага крызісу ў Сырыі.
Прэзыдэнт Сырыі Башар аль-Асад абвясьціў у нядзелю новую ініцыятыву, якая мае на мэце аднавіць мір у яго краіне — склікаць канфэрэнцыю нацыянальнага замірэньня і пачаць распрацоўваць новую канстытуцыю.
Выступаючы на тэлебачаньні ўпершыню ад лістапада, ён адхіліў магчымасьць перамоваў, паводле яго слоў, з апазыцыйнымі «марыянэткамі». Як заявіў Асад, яго ініцыятыва мае шанец ажыцьцявіцца толькі ў выпадку, калі краіны Захаду і суседнія арабскія краіны перастануць фінансаваць «крымінальнікаў-забойцаў», як ён назваў сваіх супернікаў.
Паводле ацэнак ААН, абвешчаных на пачатку месяца, за 21 месяц канфлікту і баёў паміж урадавымі войскамі і сіламі ўзброенай апазыцыі ў Сырыі загінулі больш за 60 тысяч чалавек. Упершыню ацэнкі ААН перавысілі зьвесткі сырыйскай апазыцыі, якая заяўляла пра больш чым 46 тысяч загінулых.
