У сераду Рада Фэдэрацыі Расеі аднагалосна ўхваліла прыняцьце «антымагніцкага» закону, які забараняе амэрыканцам усынаўляць расейскіх сіротаў. Рада ў правох чалавека пры расейскім прэзыдэнце накіравала ў Раду Фэдэрацыі сваё заключэньне, у якім гаворыцца, што законапраект супярэчыць Канстытуцыі і міжнародным дамовам. Адразу пасьля прыняцьця законапраекту, дэпутаты адсьвяткавалі Новы Год — з канцэртам і клоўнамі.