НАДВОР'Е:
Дажджы і мокры сьнег, тэмпэратура удзень ад 5 да 7 градусаў.
У БЕЛАРУСІ І СЬВЕЦЕ
В Менскім міжнародным адукацыйным цэнтры пачнецца Фэстываль нефармальнай адукацыі. Падрабязнасьці пра фэстывль тут і тут.
У комплексе Менск-Арэна – канцэрт папулярнага ўкраінскага гурту «Океан Ельзи», пачатак а 20-й гадзіне.
Рада Антыкрызіснага фонду ЭўразЭС на пасяджэньні ў Менску будзе вырашаць пытаньне аб тым, каб выдаткаваць Беларусі чацьверты транш стабілізацыйнага крэдыту на суму $ 440 млн.
Расейская кампанія Газпром пачне пабудову газаправоду «Паўднёвы паток», па якім маюць адбывацца пастаўкі газу ў Эўропу.
ТАКСАМА Ў ГЭТЫ ДЗЕНЬ:
1550 – Барбара Радзівіл каранаваная ў Кракаве як польская каралева.
1921 – з ініцыятывы Браніслава Тарашкевіча ў Радашкавічах утворана Тварыства беларускай школы.
1941 – Японія атакуе амэрыканскую ваенна-марскую базу Пэрл-Харбар, ЗША ўступаюць у Другую сусьветную вайну.
1943 – загінуў Вацлаў Іваноўскі (нар. 1880), беларускі грамадзкі і палітычны дзяяч.
1988 – у землятрусе ў Сьпітаку (Армэнія) загінула больш як 25 тысячаў чалавек.
1991 – у Віскулях пачалася сустрэча Барыса Ельцына, Леаніда Краўчука і Станіслава Шушкевіча. Назаўтра была падпісаная заява аб дэнансацыі дамовы аб утварэньні СССР.
У гэты дзень нарадзіліся:
1878 – Аляксандар Астрамовіч, беларускі каталіцкі сьвятар, паэт Андрэй Зязюля.
1928 – Радзім Гарэцкі, беларускі вучоны-геоляг, грамадзкі дзяяч.
1941 – Васіль Ліцьвінка, зьбіральнік і папулярызатар беларускага традыцыйнага фальклёру, вучоны-фальклярыст.
ЁСЬЦЬ НАГОДА
Міжнародны дзень грамадзянскай авіяцыі
ЦЫТАТА НА ПАМЯЦЬ:
Аранжавая рэвалюцыя дала людзям свабоду і магчымасьць прымаць рашэньні пра сваю будучыню. Але гэта ня значыць, што яна навучыла правільна дзейнічаць. Правільна дзейнічаць могуць навучыць толькі час, досьвед і ўпартая праца.
Сьвятаслаў Вакарчук, лідэр украінскага гурту «Океан Ельзи»
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
КДБ захавае ў сябе тэрарызм, кантрабанду і здраду радзіме
Новыя затрыманьні нязгодных у Маскве і Пецярбургу
Кадыраў прывёў Лукашэнку ў прыклад
Крэймэр: Шкада, што не ўвялі санкцыі супраць «Белтрансгазу»
