Лінкі ўнівэрсальнага доступу

Беларусы на парадзе Санта Клаўсаў у Антарыё


Сярэдзіна і другая палова лістапада -- гэта той час, калі па ўсёй правінцыі Антарыё, а таксама ў іншых частках Канады праходзяць парады Сантаў Клаўсаў, якія адкрываюць зімовы сэзон у гэтай краіне.

Такія парады заўсёды адбываюцца ў суботы і зьяўляюцца сьвятам самых розных народаў, якія пражываюць у Канадзе. Беларусы – не выключэньне. Наш карэспандэнт пабываў учора на парадзе ў горадзе Місісога, што непадалёк ад Таронта.

Па традыцыі адкрыцьцё зімовага сэзону ў Місісозе пачынаецца ў вялікім гандлёвым цэнтры Erin Mills Town Centre. Гэта экспазыцыі самых розных міжнародных навагодніх елак, што працягваюцца да праваслаўных Калядаў – 7 студзеня, конкурсы калядных вянкоў (дарэчы, беларускі вянок на цяперашнім парадзе заняў другое месца), сустрэчы з самімі Санта Клаўсамі, а таксама героямі розных казак сьвету, пэрсанажамі вядомых мультфільмаў; клоўнамі і танцорамі. Усе гэтыя ролі выконваюць самадзейныя акторы.

Парады Санта Клаўсаў – сямейнае сьвята, якога асабліва чакаюць дзеці. Працягваецца парад зь яго рознымі відовішчамі на гарадзкіх вуліцах.

Глядзець камэнтары (6)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG