НАДВОР'Е:
Па ўсёй краіне воблачна, дажджы. Тэмпэратура плюс 4-8 градусаў.
У БЕЛАРУСІ І СЬВЕЦЕ
Менск, у офісе беларускай партыі «зялёных» (пр. Машэрава, 9, 109) – прэсавая канфэрэнцыя, прысьвечаная будаўніцтву беларускай АЭС. Пачатак у 13.00.
Менск, клюб Re:public (вул. Прытыцкага, 62), прэзэнтацыя трэцяга альбому гурту :B:N «Крок за крокам», пры ўдзеле PANaNieba. Пачатак у 19 гадзінаў.
Стакгольм, абвяшчэньне ляўрэатаў Нобэлеўскай прэміі ў хіміі. 12:45 паводле менскага часу.
Франкфурт, Кніжны кірмаш-2012.
Масква, разгляд касацыйнай скаргі ўдзельніц панк-гурту Pussy Riot.
* * *
Паважаныя слухачы! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1577 – Магілёў, Мазыр і Ула атрымалі Магдэбурскае права.
1939 – падпісаная дамова паміж СССР і Літвой, паводле якой Літве адышлі Вільня і Віленская вобласьць.
У гэты дзень нарадзіліся:
1796 – Міхал Без-Карніловіч, беларускі гісторык, этнограф, вайсковы тапограф, генэрал-маёр.
1813 – Джузэпэ Вэрдзі, італьянскі кампазытар.
1930 – Гаральд Пінтэр, брытанскі драматург, ляўрэат Нобэлеўскай прэміі ў галіне літаратуры 2005 году.
1940 – Кастусь Тарасаў, беларускі пісьменьнік, гісторык, дзяяч нацыянальна-дэмакратычнага руху Беларусі.
1943 – Валеры Галубовіч, беларускі гісторык.
1957 – Леанід Дранько-Майсюк, беларускі паэт.
У гэты дзень памерлі:
1783 – Людвік Грынцэвіч, беларускі архітэктар эпохі позьняга барока.
1825 – Зьміцер Бартнянскі, кампазытар Украіны і Расеі, заснавальнік расейскай кампазытарскай школы.
1833 – Міхал Клеафас Агінскі, дзяржаўны дзяяч Рэчы Паспалітай, дыплямат, кампазытар.
1938 – Адам Бабарэка, беларускі пісьменьнік і літаратуразнаўца.
1954 – Аляксандар Данілевіч, пэдагог, публіцыст, матэматык, выкладчык Наваградзкай беларускай гімназіі.
ЁСЬЦЬ НАГОДА
Сусьветны дзень псыхічнага здароўя.
Эўрапейскі дзень барацьбы супраць сьмяротнага пакараньня.
ЦЫТАТА НА ПАМЯЦЬ:
Воля аплачваецца крывёй, рабскае жыцьцё – боязьзю, а выбар робіць сумленьне.
Кастусь Тарасаў
ГОД ТАМУ Ў ЗАГАЛОЎКАХ НА САЙЦЕ СВАБОДЫ:
«Чорны сьпіс» Эўразьвязу папоўнілі яшчэ 16 прозьвішчаў
Эштан: ЭЗ не гатовы аднавіць дыялёг з Менскам
Нобэль-2011 па эканоміцы двум амэрыканцам