УДЗЕНЬ...
...пойдзе дождж, пад вечар выпагадзіцца. Тэмпэратура: плюс 13–15.
НЕ ПРАПУСЬЦІЦЕ:
У вечаровым эфіры Свабоды перадачы «Экспэртыза», «Нашы дзеці» «Бібліятэка Свабоды» і «Падарожжа Свабоды».
У БЕЛАРУСІ І СЬВЕЦЕ
У «Арт-сядзібе» (пр. Пушкіна, 28а) адбудзецца творчая сустрэча з музыкам Лявонам Вольскім, падчас якой ён прадставіць новы альбом «Саўка ды Грышка: 100 песень» з сэрыі «Бібліятэка Свабоды». У прэзэнтацыі возьме ўдзел і саксафаніст Павал Аракелян. Пачатак у 19.00.
У кнігарні «ЛогвінаЎ» адбудзецца прэзэнтацыя кніг расейскага пісьменьніка беларускага паходжаньня Ўладзімера Казлова «1986» і «Свабода». Пачатак у 19.00.
Рада правоў чалавека ААН на сэсіі ў Жэнэве прызначыць спэцдакладчыка па Беларусі.
28 верасьня – Дзень чэскай дзяржаўнасьці і Дзень сьвятога Вацлава (патрона Чэхіі).
* * *
Паважаныя наведнікі сайту! Дапамажэце больш поўна прадставіць беларускі дзень — дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ
1939 – Гітлераўская Нямеччына і Савецкі Саюз падпісалі дамову аб дружбе і супольнай мяжы.
У гэты дзень нарадзіліся:
1934 – Брыжыт Бардо, француская кінаакторка, актывістка руху абароны правоў жывёлаў.
1938 – Мечыслаў Грыб, беларускі палітык.
1952 – Сыльвія Крыстэль, галяндзкая акторка.
У гэты дзень памерлі:
1937 – Уладзіслаў Галубок, беларускі пісьменьнік, рэжысэр, актор, тэатральны дзяяч, мастак.
1970 – Джон Дос Пасас, амэрыканскі пісьменьнік.
1991 – Майлз Дэвіс, амэрыканскі джазавы музыка.
ЦЫТАТА НА ПАМЯЦЬ:
Грышка:
Савелій, я хачу задаць пытаньне,
Якое ўсё адно калісь паўстане:
Чаму ня мовіш ты па-беларуску
У нашым коле, дастаткова вузкім?
Саўка:
Ну, што атвеціць, дарагой таварышч?
Па-рускі ты прэкрасна панімаеш.
А што язык каверкаць? Нету смысла.
Я ўжо даўно па-рускі тока мысьлю.
Лявон Вольскі, «Пра белмову» (З цыклу «Саўка ды Грышка»)
ГОД ТАМУ Ў ЗАГАЛОЎКАХ НА САЙЦЕ СВАБОДЫ:
Гомель. Маўклівая акцыя 28.09.2011