Ведамства ААН па ядзернай энэргетыцы прыняло сёньня рэзалюцыю, якая папракае Іран за адмову поўнамаштабна супрацоўнічаць зь міжнароднымі інспэктарамі ў пытаньні сваёй ядзернай праграмы. Рэзалюцыя выказвае "сур'ёзную занепакоенасьць" працягам узбагачэньня ўрану і працай зь "цяжкой вадой" у Іране.
Міжнароднае агенцтва па атамнай энэргіі (МАГАТЭ) таксама заклікае Тэгеран дапусьціць інспэктараў на вайсковы комплекс у горадзе Парчын, дзе, як падазрае МАГАТЭ, 10 гадоў таму праводзіліся выпрабаваньні, зьвязаныя з распрацоўкай ядзернай зброі.
Рэзалюцыя была супольна прапанаваная ЗША, Расеяй, Кітаем, Вялікай Брытаніяй, Францыяй і Нямеччынай. Больш за дзьве траціны з 35 членаў МАГАТЭ падтрымалі прыняцьце дакумэнту. Амбасадар Ірану пры МАГАТЭ Алі Салтані назваў рэзалюцыю чарговай спробай краін Захаду палітызаваць крызіс вакол іранскай ядзернай праграмы.
Міжнароднае агенцтва па атамнай энэргіі (МАГАТЭ) таксама заклікае Тэгеран дапусьціць інспэктараў на вайсковы комплекс у горадзе Парчын, дзе, як падазрае МАГАТЭ, 10 гадоў таму праводзіліся выпрабаваньні, зьвязаныя з распрацоўкай ядзернай зброі.
Рэзалюцыя была супольна прапанаваная ЗША, Расеяй, Кітаем, Вялікай Брытаніяй, Францыяй і Нямеччынай. Больш за дзьве траціны з 35 членаў МАГАТЭ падтрымалі прыняцьце дакумэнту. Амбасадар Ірану пры МАГАТЭ Алі Салтані назваў рэзалюцыю чарговай спробай краін Захаду палітызаваць крызіс вакол іранскай ядзернай праграмы.