Лінкі ўнівэрсальнага доступу

У краінах ЭЗ абмяркоўваюць пазыковыя праблемы


Нямеччына ставіцца зь вялікай павагай да рашучых дзеяньняў ураду Італіі, які прыняў пакет мер жорсткай эканоміі для прадухіленьня пазыковага крызісу. Пра гэта заявіла канцлер Ангела Мэркель, выступаючы ў сераду ў Бэрліне пасьля перамоваў з прэм’ер-міністрам Італіі Марыё Монті.

Сёньня ж прэзыдэнт Францыі Нікаля Сарказі абмяркоўвае ў Парыжы з кіраўніком МВФ Крысьцін Лагард пазыковыя праблемы ў краінах Эўразьвязу.

У Брусэлі сябра Эўракамісіі Олі Рэн заявіў, што Вугоршчына зрабіла недастаткова для таго, каб прывесьці свой бюджэтны дэфіцыт у адпаведнасьць з нормамі ЭЗ, і таму выдзяленьне гэтай краіне сродкаў з фондаў рэгіянальнага разьвіцьця можа быць прыпынена.

У той жа час Эўракамісія павітала намаганьні Бэльгіі, Кіпра, Мальты і Польшчы ў справе скарачэньня дэфіцыту бюджэту.
XS
SM
MD
LG