Лінкі ўнівэрсальнага доступу

Ангела Мэркель названая самай уплывовай жанчынай сьвету


Ангела Мэркель
Ангела Мэркель
Нямецкая канцлерка Ангела Мэркель узначаліла сьпіс самых уплывовых жанчын сьвету, складзены часопісам Форбс. 22 са 100 выбраных жанчын – нязамужам.

“Наш сьпіс адлюстроўвае разнастайны і дынамічны шлях жанчын да ўлады сёньня, калі на іх ускладаецца лідэрства нацыі або вырашэньне важнейшых пытаньняў часу”, кажа Мойра Форбс, прэзыдэнт і выдавец часопісу ForbesWoman. У сьпіс увайшлі кіраўніцы 8 дзяржаў і 29 генэральных дырэктараў кампаній. Сярэдні ўзрост самых уплывовых жанчын – 54 гады, 22 зь іх нязамужам. Разам яны кантралююць фінансы, якія ацэньваюцца на 30 трыльёнаў даляраў.

Пасьля Ангелы Мэркель на другім і трэцім месцы ідуць дзяржсакратар ЗША Гілары Клінтан і прэзыдэнтка Бразыліі Дзілма Русэф. Завяршаюць пяцёрку выканаўчы дырэктар амэрыканскай кампаніі PepsiCo Індра Нуі, якая курыруе імпэрыю, што вырабляе прадукты харчавання і напоі на 60 млрд. даляраў, і галоўны выканаўчы дырэктар кампаніі Facebook Шэрыл Сандбэрг, якая прычынілася да буму сацыяльных сетак. Форбс мяркуе, што жанчыны прыйшлі да свайго ўплыву ня толькі дзякуючы грашам ці палітыцы, але таксама і ўплыву сацыяльных сетак.

Сьпявачка Лэдзі Гага і нядаўна прызначаная выканаўчым дырэктарам газэты The New York Times Джыл Абрамсан занялі 11-ю і 12-ю пазыцыі. Першая лэдзі ЗША Мішэль Абама, якая летась была на самым версе лесьвічкі, сёлета мае восьмую пазыцыю. Каралева Вялікай Брытаніі Лізавета ІІ, найстарэйшая са сьпісу, займае 49-е месца.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG