Сэрбская прэса паведамляе, што ваенны злачынец Горан Хаджыч некаторы час хаваўся ў Беларусі. Пасьля пераезду ў Беларусь ягоныя сьляды згубіліся – аж да моманту, калі ён быў арыштаваны ў Сэрбіі.
Паводле сэрбскіх СМІ, Хаджыч меў падтрымку Сэрбскай праваслаўнай царквы, прадстаўнікі якой і дапамаглі яму навязаць кантакты ў Беларусі.
Афіцыйнага пацьверджаньня гэтай інфармацыі няма.
Арыштаваны тры дні таму былы лідэр харвацкіх сэрбаў Горан Хаджыч – апошні з тых, каго абвінавачваюць у ваенных злачынствах на Балканах і чыёй выдачы дамагаўся Гааскі трыбунал – быў дастаўлены ў пятніцу ў Галяндыю.
Хаджыч абвінавачваецца ў злачынствах супраць чалавечнасьці ў часе вайны на Балканах на пачатку 90-х гадоў, у тым ліку ў забойстве 200 харвацкіх палонных, і ў датычнасьці да зьнішчэньня гораду Вукавар.
Міжнародны трыбунал па былой Югаславіі ў Гаазе даручыў сэрбскаму адвакату Бранку Лукічу абараняць былога лідэра харвацкіх сэрбаў. Лукіч ужо быў абаронцам на 4 папярэдніх працэсах у Гааскім трыбунале.
Беларусі ня першы раз закідаецца, што яна дае прытулак ваенным злачынцам з былой Югаславіі. Былая памочніца генпракурора Карлы дэль Понтэ Фляран Хартман у сваіх мэмуарах, апублікаваных чатыры гады таму ў Францыі, сьцьвярджала, што ў 1997 годзе былы лідэр басьнійскіх сэрбаў Радаван Караджыч некаторы час хаваўся ў Беларусі. Афіцыйнага пацьверджаньня гэтая інфармацыя не знайшла.
Паводле сэрбскіх СМІ, Хаджыч меў падтрымку Сэрбскай праваслаўнай царквы, прадстаўнікі якой і дапамаглі яму навязаць кантакты ў Беларусі.
Афіцыйнага пацьверджаньня гэтай інфармацыі няма.
Арыштаваны тры дні таму былы лідэр харвацкіх сэрбаў Горан Хаджыч – апошні з тых, каго абвінавачваюць у ваенных злачынствах на Балканах і чыёй выдачы дамагаўся Гааскі трыбунал – быў дастаўлены ў пятніцу ў Галяндыю.
Хаджыч абвінавачваецца ў злачынствах супраць чалавечнасьці ў часе вайны на Балканах на пачатку 90-х гадоў, у тым ліку ў забойстве 200 харвацкіх палонных, і ў датычнасьці да зьнішчэньня гораду Вукавар.
Міжнародны трыбунал па былой Югаславіі ў Гаазе даручыў сэрбскаму адвакату Бранку Лукічу абараняць былога лідэра харвацкіх сэрбаў. Лукіч ужо быў абаронцам на 4 папярэдніх працэсах у Гааскім трыбунале.
Беларусі ня першы раз закідаецца, што яна дае прытулак ваенным злачынцам з былой Югаславіі. Былая памочніца генпракурора Карлы дэль Понтэ Фляран Хартман у сваіх мэмуарах, апублікаваных чатыры гады таму ў Францыі, сьцьвярджала, што ў 1997 годзе былы лідэр басьнійскіх сэрбаў Радаван Караджыч некаторы час хаваўся ў Беларусі. Афіцыйнага пацьверджаньня гэтая інфармацыя не знайшла.
