Лінкі ўнівэрсальнага доступу

Башкартастан: трэці пікет у падтрымку палітвязьняў Беларусі


30 чэрвеня каля будынку, дзе месьціцца аддзяленьне беларускага пасольства ва Ўфе, адбыўся трэці пікет у падтрымку палітычных вязьняў Беларусі.




Удзельнікі пікету ­- сваякі і сябры сям'і Мірзаянавых. Усе яны былі апранутыя ў футболкі з выявай Фёдара Мірзаянова, надпісамі «Свабоду палітвязьням Беларусі» і назвай сайта UZNIKILUKI.ru. На дадзеным сайце разьмешчаная інфармацыя пра падзеі, якія адбываюцца ў Беларусі пасьля 19 сьнежня 2010 году, зьвесткі пра рэпрэсаваных палітвязьняў.


Удзельнікі пікету трымалі ў руках плякаты з патрабаваньнямі да беларускіх уладаў вызваліць усіх палітычных зьняволеных, вызваліць Фёдара Мірзаянова, якому суд прысудзіў 3 гады пазбаўленьня волі ў калёніі ўзмоцненага рэжыму.



Удзельнікі пікету чарговым разам запатрабавалі ад кіраўніцтва Расеі спыніць даваць рэжыму Лукашэнкі новыя крэдыты, калі ў краіне душацца свабоды, калі штотыдзень у беларускіх гарадах адбываюцца затрыманьні.

На пікеце зьбіралі подпісы пад патрабаваньнем аб вызваленьні беларускіх палітычных зьняволеных.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG