Турэччына заклікала да спыненьня агню ў Лібіі

Анкара заклікае да неадкладнага спыненьня агню ў Лібіі і выступае супраць замежнага ўварваньня ў гэтую дзяржаву.

Пра гэта, са спасылкай на прэсавую службу турэцкага прэм'ер-міністра Рэджэпа Таіпа Эрдагана, паведамляе агенцтва Ротэр.

Раней стала вядома, што шэраг эўрапейскіх краін і ЗША рыхтуюць свае войскі да выкананьня рэзалюцыі ААН аб забароне палётаў над Лібіяй.