Лінкі ўнівэрсальнага доступу

Пад дыктоўку Віктара Шалкевіча


Сёньня арганізатары агульнабеларускай дыктоўкі ў Горадні вызначацца з тым — які канкрэтна тэкст прагучыць. Гэтым разам было прапанавана прачытаць яго Віктару Шалкевічу. Ён папрасіў час, каб выбраць адпаведны ўрывак з твора пісьменьніка Аляксея Карпюка.

Дыктоўка, у якой штогод прымае ўдзел некалькі сотняў удзельнікаў, пройдзе пад лёзунгам "Гародня заўсёды з мовай!". Традыцыйна ўсе ўдзельнікі атрымаюць падарункі.

Агульнабеларуская дыктоўка ў Горадні адбудзецца са спазьненьнем — 20 сакавіка. Як патлумачыў адзін з арганізатараў Павал Мажэйка, у Горадні прытрымліваюцца пачатковай задумы: першая дыктоўка прайшла з нагоды 90-й гадавіны БНР. Чаму сёлета яе ўдзельнікі будуць пісаць тэкст аўтарства Аляксея Карпюка? Па-першае, адпачатку было дамоўлена браць творы гарадзенскіх аўтараў або прысьвечаныя гарадзенскай тэматыцы. Па-другое, кажа Павал Мажэйка, апошнім часам працягваецца грамадзкая ініцыятыва за тое, каб у Горадні належным чынам ушанаваць памяць пісьменьніка-земляка, якім памёр у 1992 годзе. Улады пакуль насустрач не пайшлі.

Дыктоўку арганізуюць супольна гарадзенскія арганізацыі ТБШ, ТБМ, Рух “За свабоду”, выдавецкая ініцыятыва “Гарадзенская бібліятэка”.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG