Украіна: крымінальная справа супраць Цімашэнкі

Генэральная пракуратура Ўкраіны распачала крымінальную справу супраць былога прэм'ер-міністра краіны Юліі Цімашэнкі. Ёй забаронена пакідаць Кіеў.

На прэсавай канфэрэнцыі ў сераду Цімашэнка заявіла, што сьледчыя пакуль не выстаўлялі ёй афіцыйных абвінавачаньняў.

Раней сьледчыя органы распачалі крымінальныя справы супраць шэрагу чальцоў папярэдняга ўраду, паводле абвінавачаньняў у злоўжываньні ўладай.