У Вялікай Брытаніі вяртаюцца да вывучэньня абставінаў тэракту 2005 г.

У Вялікай Брытаніі афіцыйна пачалі судовае расьсьледаваньне гібелі 52 чалавек у выніку выбухаў у Лёндане 7 ліпеня 2005 году. Адна з мэтаў расьсьледаваньня – выявіць, ці маглі брытанскія спэцслужбы прадухіліць выбухі ў лёнданскім мэтро і аўтобусе.

У 2007 годзе стала вядома, што брытанская выведка яшчэ да тэрактаў мела інфармацыю, што адзін з арганізатараў выбухаў Мухамад Сідык Хан можа быць датычны да тэрарыстычнай дзейнасьці.