Лінкі ўнівэрсальнага доступу

На Балтыйскім форуме абмяркуюць пытаньні адмены санкцый


Сяргей Сідосркі і Валдзіс Дамброўскіс
Сяргей Сідосркі і Валдзіс Дамброўскіс

Прэм'ер-міністар Латвіі Валдзіс Дамброўскіс заявіў аб гатоўнасьці Латвіі садзейнічаць паляпшэньню стасункаў Беларусі з Эўразьвязам.

"На Балтыйскім форуме сёньня будуць абмяркоўвацца найважнейшыя пытаньні стасункаў Беларусі з Эўразьвязам і адмены санкцый, якія былі прынятыя ЭЗ у дачыненьні да рэспублікі", — заявіў В. Дамброўскіс на прэс-канфэрэнцыі ў Рызе, перадае "Інтэрфакс".

"Латвія будзе імкнуцца садзейнічаць паляпшэньню стасункаў Беларусі з Эўразьвязам", — адзначыў кіраўнік латвійскага ўраду.

Ён таксама дадаў, што ў рамках пытаньня "Беларусь — ЭЗ" будуць абмяркоўвацца пытаньні спрашчэньня для грамадзянаў Беларусі візавага рэжыму, а таксама пытаньні правоў чалавека.

Прэм'ер выказаў надзею на развіцьцё дынамічных стасункаў Латвіі і Беларусі ў палітычнай і эканамічнай сфэрах.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG