Міратворчыя сілы ААН на поўдні Лібану сёньня пацьвердзілі, што дрэва, якое спрычынілася да перастрэлак на мяжы, было на ізраільскім баку “блакітнай лініі”. Гэта мяжа азначае ўсталяваную ААН дэмаркацыйную лінію ў спрэчным памежным рэгіёне паміж сіламі Ізраілю і Лібану. Пабудаваная ізраільцянамі абарончая сьцяна дакладна не адпавядае контурам “блакітнай лініі”.
Перастрэлка ўчора пачалася ў той момант, калі ізраільскія вайскоўцы спрабавалі сьпіліць дрэва на ўчастку, на які прэтэндуюць абодва бакі. У выніку загінулі ізраільскі палкоўнік, прынамсі два лібанскія салдаты і адзін лібанскі журналіст.
Перастрэлка ўчора пачалася ў той момант, калі ізраільскія вайскоўцы спрабавалі сьпіліць дрэва на ўчастку, на які прэтэндуюць абодва бакі. У выніку загінулі ізраільскі палкоўнік, прынамсі два лібанскія салдаты і адзін лібанскі журналіст.