Ізраіль зьмякчае блякаду Газы

Ізраільскі кабінэт міністраў сёньня прыняў рашэньне зьмякчыць блякаду паласы Газы на сушы і дазволіць большы ўвоз тавараў ў Газу, якой кіруе Хамас. Пра гэта гаворыцца ў заяве прэм'ер-міністра Біньяміна Нетаньяху.

Новыя правілы прынятыя пасьля таго, як па ўсім сьвеце адбыліся пратэсты ў зьвязку з гібельлю людзей падчас ізраільскага рэйду на флятылію з гуманітарнай дапамогай палестынцам.