Дзяржсакратарка ЗША Гілары Клінтан заклікала Кітай прыняць удзел у вырашэньні сытуацыі вакол нападу Паночнай Карэі на паўднёвакарэйскі карабель. Зварот прагучаў пад час візыту Клінтан у Пэкін.
Кітай зьяўляецца адзінай дзяржавай, што ўдзяляе эканамічную і палітычную падтрымку Пхэньяну. ААН дамагаецца, каб Пэкін далучыўся да міжнароднага асуджэньня тарпэднай атакі, у выніку якой загінулі ўсе 46 чальцоў затанулага судна.
Міжнародная камісія, якая расьсьледавала гібель карвэту знайшла побач зь яго парэшткамі часткі тарпэды паўночнакарэйскага ўзору.
КНДР адрынае гэтыя закіды і пагражае распачаць вайну супраць Паўднёвай Карэі, у выпадку ўвядзеньня міжнародных санкцыяў.