Расійскія і польскія сьледчыя ў нядзелю правялі новы агляд месца крушэньня самалёта "Ту-154" пад Смаленскам. <br /><br />Як паведаміў афіцыйны прадстаўнік Сьледчага камітэту пры пракуратуры Расеі Уладзімір Маркін, новых рэчавых доказаў знойдзена не было. <br /><br />З польскага боку ў аглядзе ўдзельнічалі намесьнік галоўнага ваеннага пракурора, прадстаўнікі паліцыі і супрацоўнікі амбасады. <br /><br />У катастрофе самалёта з польскай дэлегацыяй 10 красавіка загінулі 96 чалавек – у тым ліку прэзыдэнт Польшчы Лех Качынскі.<br /><br />