Жыхары Турэцкай Рэспублікі Паўночны Кіпр абіралі сёньня новага прэзыдэнта. Паводле папярэдніх вынікаў, наперадзе ідзе палітык крайне правых поглядаў Дэрвіш Эраглу.
Аналітыкі выказваюць асьцярогі, што ў выпадку абраньня Эраглу можа адмовіцца працягваць перамовы аб мірным урэгуляваньні, які дзейны прэзыдэнт Паўночнага Кіпру Мэхмэт Алі Талат вёў дагэтуль з грэцкай часткай выспы.
Паводле Цэнтральнай выбарчай камісіі Паўночнага Кіпру, са 164 тысяч выбарнікаў сёньня прагаласавала каля 75%. Канчатковыя вынікі чакаюцца пазьней сёньня.
Паўночны Кіпр, які насяляюць збольшага туркі, абвясьціў незалежнасьць у 1974-м годзе, калі спроба грэцкіх кіпрыётаў учыніць у гэтай правінцыі пераварот прывяла да інтэрвэнцыі турэцкіх войскаў. Міжнародная супольнасьць, акрамя Анкары, не прызнае сувэрэнітэту самаабвешчанай рэспублікі.
Аналітыкі выказваюць асьцярогі, што ў выпадку абраньня Эраглу можа адмовіцца працягваць перамовы аб мірным урэгуляваньні, які дзейны прэзыдэнт Паўночнага Кіпру Мэхмэт Алі Талат вёў дагэтуль з грэцкай часткай выспы.
Паводле Цэнтральнай выбарчай камісіі Паўночнага Кіпру, са 164 тысяч выбарнікаў сёньня прагаласавала каля 75%. Канчатковыя вынікі чакаюцца пазьней сёньня.
Паўночны Кіпр, які насяляюць збольшага туркі, абвясьціў незалежнасьць у 1974-м годзе, калі спроба грэцкіх кіпрыётаў учыніць у гэтай правінцыі пераварот прывяла да інтэрвэнцыі турэцкіх войскаў. Міжнародная супольнасьць, акрамя Анкары, не прызнае сувэрэнітэту самаабвешчанай рэспублікі.