Лінкі ўнівэрсальнага доступу

ku-palinka





Палінка-Купалінка нарадзілася ў сталіцы сінявокай. Гэткая сталічная штучка!

Вучылася на Карла-Марла і займела тытул філялягіні Вялікага Княства мовы і літаратуры.

1.Навошта я пішу блог
Блог — гэта прыхамаць маёй натуры. Я і раней, калі блогаў яшчэ не існавала, мела патрэбу вяшчаць сваё жыцьцё ў масы, дзяліцца надуманым, адчутым. У мяне заўжды было некалькі пар дзяжурных вушэй, каб самавыяўляцца. А тут усе з уласнай ахвоты падстаўляюць свае вушы. Спадзяюся, я вас не расчарую локшынамі.
2. Што я больш за ўсё люблю ў блогах
Больш за ўсё ў блогах мяне вабіць чужое жыцьцё. ЖЖ цікавы тым, што ў ім адбіваецца асоба аўтара з усімі яго звычкамі, захапленьнямі, хобі і прафэсійнымі зацікаўленьнямі. Зазвычай цікава чытаць ЖЖ мастакоў, музыкаў, літаратараў, дактароў, дызайнэраў, айтышнікаў, настаўнікаў... Гэта іншы погляд, які ўзбагачае твой сьвет.
3. Што я больш за ўсё не люблю ў блогах
Больш за ўсё ў блогах я ненавіджу рэкляму. Не сяброўскі піяр, не карысныя, цікавыя спасылкі, а менавіта праплочаную рэкляму. Гэта зьбядняе твой блог як мінімум на аднаго фрэнда.
4. Пяць блогаў, якія я раю наведаць
Я тут згадаю блогі, якія ў некаторай ступені характарызуюць мяне як асобу з усімі маімі зацікаўленьнямі.

Шытво — гэта маё хобі, і вучуся я ў сапраўдных майстрынь:

tk-vestiario, eregwen

Сваю слабасьць да рэтра я задавольваю ў наступных блогах:

retroatelier, flapper-thing, community.livejournal.com/vintagephoto/

Я люблю прыгожае пісьменства, кніжную справу, і ў некаторай ступені перакладаць, таму ў гэтым сьпісе блог перакладнога часопіса “ПрайдзіСьвет”.

Я дужа люблю прыгожае ў фрэндстужцы. Асаблівае месца ў ёй займае творчасьць мастачак:

ganulechka, picas-so

І яшчэ дзьве неардынарныя асобы, якіх я ўспрымаю як уласнае альтэр-эга:

jubka — гэта я, калі б нарадзілася і жыла ў правінцыйным гарадку,

sveta-i-tancpol — а гэта я, калі б мне давялося выкладаць у школе.

І гэта яшчэ ня ўсё, аднак я і так перавыканала плян удвая :)
XS
SM
MD
LG