Намесьнік міністра замежных справаў Беларусі Валер Варанецкі заявіў у Брусэлі, што “Беларусь выступае за адмену штучных тарыфных абмежаваньняў і за спрашчэньне візавага рэжыму з Эўразьвязам”.
Гэтую заяву для Радыё Свабода пракамэнтаваў часова павераны ў справах Славаччыны ў Беларусі Любамір Рэгак:
“Эўразьвяз вітае ініцыятывы Беларусі аб пашырэньні супрацоўніцтва. Але пытаньне зьніжэньня кошту шэнгенскіх візаў для беларусаў зьвязанае з агульным супрацоўніцтвам у палітыцы эўрапейскага добрасуседзтва, бо яно зьяўляецца часткай гэтай палітыкі”.
У гэтым рэчышчы адбываюцца перамовы, да прыкладу, з урадамі Ўкраіны, Малдовы, а таксама Расеі, зь якой у Эўразьвязу асаблівыя ўмовы партнэрства і супрацоўніцтва.
Спадар Рэгак заявіў:
“Таксама і з Расеяй праходзіць шырокі дыялёг ва ўсіх сфэрах інтарэсу двух бакоў. І чакаецца, што грамадзяне Ўкраіны, Расеі ці Малдовы і пасьля пашырэньня Шэнгену будуць плаціць меншы кошт за шэнгенскія візы — 35 эўра.
У Беларусі гэта пытаньне абмяркоўваць насамрэч дачасна. Бо ўрад і хоча далучацца да эўрапейскай палітыкі добрасуседзтва, і ў той самы час працягвае весьці ўнутраную палітыку, якую Эўразьвяз, і ня толькі ён, крытыкуе. Эўразьвяз — гэта супольнасьць каштоўнасьцяў.
І цяпер мне цяжка ўявіць, што пачнуцца перамовы па візах з уладай, якая перасьледуе, затрымлівае сваіх грамадзянаў, абмяжоўвае іх канстытуцыйныя правы, падтрымлівае антыэўрапейскую прапаганду ў дзяржаўных СМІ, не паважае права грамадзкіх і палітычных арганізацыяў, не вызваляе палітвязьняў і гэтак далей”.
Паводле спадара Рэгака, застаюцца ў сіле дванаццаць прапановаў Эўразьвязу да Беларусі. І афіцыйны Менск мусіць выконваць іх у тым аб’ёме, які б задаволіў Эўразьвяз. Пра ініцыятыву афіцыйнага Менску пачаць перамовы спадар Рэгак сказаў:
“Зрабілі прапанову пачаць перамовы, але толькі, як яны кажуць, у тэхнічным пытаньні візаў. Але візы — гэта не тэхнічнае пытаньне. Гэта частка палітыкі добрасуседзтва. Так што нельга сказаць, што мы пачнем перамовы пра візы, нічога ня робячы ў іншых сфэрах супрацоўніцтва. А супрацоўніцтва — яно двухбаковае”.
У амбасадзе Польшчы ў Беларусі паведамілі, што Польшча пачынае працаваць па правілах шэнгенскага пагадненьня 1 лістапада. Калі сытуацыя не памяняецца, то візы для беларусаў будуць каштаваць 60 эўра.
Прэс-сакратар польскай амбасады Моніка Садкоўская сказала:
“Рашэньне наконт кошту візаў — гэта не рашэньне Польшчы, а рашэньне Эўразьвязу. Так што размова павінна ісьці з Эўразьвязам”.
Шэнгенская зона набліжаецца да Беларусі, 21.06.2007
Пасол Літвы: Беларусі варта пачаць перамовы з Эўразьвязам наконт кошту візаў, 25.04.2007
Гэтую заяву для Радыё Свабода пракамэнтаваў часова павераны ў справах Славаччыны ў Беларусі Любамір Рэгак:
“Эўразьвяз вітае ініцыятывы Беларусі аб пашырэньні супрацоўніцтва. Але пытаньне зьніжэньня кошту шэнгенскіх візаў для беларусаў зьвязанае з агульным супрацоўніцтвам у палітыцы эўрапейскага добрасуседзтва, бо яно зьяўляецца часткай гэтай палітыкі”.
У гэтым рэчышчы адбываюцца перамовы, да прыкладу, з урадамі Ўкраіны, Малдовы, а таксама Расеі, зь якой у Эўразьвязу асаблівыя ўмовы партнэрства і супрацоўніцтва.
Спадар Рэгак заявіў:
“Таксама і з Расеяй праходзіць шырокі дыялёг ва ўсіх сфэрах інтарэсу двух бакоў. І чакаецца, што грамадзяне Ўкраіны, Расеі ці Малдовы і пасьля пашырэньня Шэнгену будуць плаціць меншы кошт за шэнгенскія візы — 35 эўра.
У Беларусі гэта пытаньне абмяркоўваць насамрэч дачасна. Бо ўрад і хоча далучацца да эўрапейскай палітыкі добрасуседзтва, і ў той самы час працягвае весьці ўнутраную палітыку, якую Эўразьвяз, і ня толькі ён, крытыкуе. Эўразьвяз — гэта супольнасьць каштоўнасьцяў.
І цяпер мне цяжка ўявіць, што пачнуцца перамовы па візах з уладай, якая перасьледуе, затрымлівае сваіх грамадзянаў, абмяжоўвае іх канстытуцыйныя правы, падтрымлівае антыэўрапейскую прапаганду ў дзяржаўных СМІ, не паважае права грамадзкіх і палітычных арганізацыяў, не вызваляе палітвязьняў і гэтак далей”.
Паводле спадара Рэгака, застаюцца ў сіле дванаццаць прапановаў Эўразьвязу да Беларусі. І афіцыйны Менск мусіць выконваць іх у тым аб’ёме, які б задаволіў Эўразьвяз. Пра ініцыятыву афіцыйнага Менску пачаць перамовы спадар Рэгак сказаў:
“Зрабілі прапанову пачаць перамовы, але толькі, як яны кажуць, у тэхнічным пытаньні візаў. Але візы — гэта не тэхнічнае пытаньне. Гэта частка палітыкі добрасуседзтва. Так што нельга сказаць, што мы пачнем перамовы пра візы, нічога ня робячы ў іншых сфэрах супрацоўніцтва. А супрацоўніцтва — яно двухбаковае”.
У амбасадзе Польшчы ў Беларусі паведамілі, што Польшча пачынае працаваць па правілах шэнгенскага пагадненьня 1 лістапада. Калі сытуацыя не памяняецца, то візы для беларусаў будуць каштаваць 60 эўра.
Прэс-сакратар польскай амбасады Моніка Садкоўская сказала:
“Рашэньне наконт кошту візаў — гэта не рашэньне Польшчы, а рашэньне Эўразьвязу. Так што размова павінна ісьці з Эўразьвязам”.
Шэнгенская зона набліжаецца да Беларусі, 21.06.2007
Пасол Літвы: Беларусі варта пачаць перамовы з Эўразьвязам наконт кошту візаў, 25.04.2007
