Выязны турызм зьяўляецца своеасаблівым люстрам беларускага грамадзтва. Хто ён, беларус, які едзе адпачываць за мяжу? Як мяняўся паток такіх турыстаў ад году да году, як ён залежыць ад ваганьняў эканамічнага дабрабыту? Якія нацыянальныя асаблівасьці беларусаў праяўляюцца ў выязным турызме? Над гэтымі тэмамі ў “Праскім акцэнце” разважаюць: мэнэджар адной зь беларускіх турфірмаў Васіль Грынь, рэдактар газэты “Туризм и отдых” Лілія Кобзік і дырэктар турагенцтва “Зьнешінтурыст” Уладзімер Макоўскі. Вядзе перадачу Юры Дракахруст.