Паўтор інфармацыйных блёкаў папярэдняга вечара (18.03-18.30, 19.03-19.30)

* У краіне працягваецца эстафэтная галадоўка

* Наўпроставы эфір з Тацянай Кім пра пэрспэктывы судовага працэсу над яе сынам, які пачынаецца сёньня.

* Бліц-аналіз: новыя захады ў ЗША дзеля стабілізацыі курсу даляра

* Флэш-моб: сёньня, у Дзень сьмеху, маладыя сацыял-дэмакраты абяцаюць прынесьці ў КДБ “абразьлівыя” мультфільмы, каб патрымаць незалежных журналістаў.

* У Смаленску выйшла кніга вершаваных фэльетонаў “Дзежка дзёгцю” за аўтарствам Алеся Няўвеся. Выдаць яе ў Беларусі адмовіліся як дзяржаўныя выдавецтвы, так і прыватныя. Чаму?

* Чарговае інтэрвію з грамадзкім рэдактарам тыдня Людмілай Гразновай

* Госьць – каардынатар расейскага апазыцыйнага руху "Оборона" Алег Казлоўскі.

* Апытаньне ў Горадні: дзе сытуацыя з правамі чалавека і свабодамі лепш – у Расеі ці ў Беларусі?

* Рэпартаж аб пачатку турыстычнага сэзону на Аўгустоўскім канале. 

* З нагоды Дня сьмеху – тэлевядучы Анатоль Вечар, заснавальнік тэатру "Хрыстафор" сатырык Яўген Крыжаноўскі, шматразовая рэкардсменка сьвету і Эўропы ў лёгкай атлетыцы Марыя Іткіна, прадпрымальнік Юры Данькоў расказваюць аб жартах 1-га красавіка.

* Міністэрства аховы здароўя настойвае на тым, каб дзейнасьць салярыяў была ліцэнзаваная. Рынак штучнага загару, уплыў на здароўе, наступствы дзяржаўнага кантролю, наведнікі салярыю пра сваё хобі.
 
* "Гукапіс" Аляксандра Памідорава. Гурт "ZigZag".
 
* "Начная чытанка". Кінараманс Максіма Клімковіча і Ўладзіслава Ахроменкі "Тэорыя змовы".