Паўтор інфармацыйных блёкаў папярэдняга вечара (18.03-18.30, 19.03-19.30)

* Сьвяткаваньне Дня Волі ў 2000-2004 гадах
* Наўпроставы эфір зь Віктарам Івашкевічам
* Пра 90-я ўгодкі БНР расказвае Вячаслаў Сіўчык
* У якім становішчы апынуліся глыбінныя, вясковыя Дамы быту?
* Кніга вядомага амэрыканскага сецявога мысьляра Клэя Шыркі пра новыя магчымасьці вэб-карыстальнікаў, якая ўтрымлівае беларускія прыклады, стала бэстселерам у ЗША
* Як расейскія прадусары зарабляюць на беларускай стужцы “Анастасія Слуцкая”, створанай на сродкі з пазабюджэтнага фонду Аляксандра Лукашэнкі.
* Бліц-аналіз
* Інтэрвію з Рыгорам Сітніцам: мастак і рэлігія

Госьцем “Начной Свабоды” будзе былы кандыдат на пасаду прэзыдэнта, лідэр незарэгістраванага руху “За свабоду” Аляксандар Мілінкевіч. Роўна два гады назад адбылося галасаваньне на прэзыдэнцкіх выбарах 2006 году. У нашым апытаньні людзі на віцебскіх вуліцах скажуць, што ім больш за ўсё запомнілася з апошняй прэзыдэнцкай кампаніі.

Таксама ў нашым эфіры рэпартажы з агульнанацыянальнай дыктоўкі, якую сёньня пісалі замежныя паслы ў Менску, з адкрыцьця ў сталічным Палацы мастацтваў выставы мастака-графіка, аўтара эталёну герба “Пагоня” Яўгена Куліка і з гарадзенскай публічнай лекцыі гісторыка Алеся Смаленчука на тэму “Анатомія палітычных даносаў”.

У “Начных досьледах” сёньня размова пра забавы жыхароў Менску. У 2007 годзе сярэдні мянчук выдаткаваў на забавы ў горадзе толькі 13 $. Самай папулярнай забаваю стаў паход у кіно. Магілёўцы адкажуць, колькі яны гатовыя выдаткаваць на адзін вечар забаваў.

У перадачы “Гукапіс” Аляксандар Памідораў працягне аповед пра лідэра гурту “P.L.A.N.” Андрэя Плясанава, а ў “Начной чытанцы” на гэтым тыдні гучыць проза Паліны Качатковай.