Разбураецца мэмарыял «Дняпроўскі рубеж»

У ліпені 1941 году салдаты 18-й Казанскай стралковай дывізіі два тыдні не давалі немцам збудаваць пераправу праз Дняпро. Мэмарыял ля вёскі Новыя Стайкі ў Шклоўскім раёне быў задуманы як адноўлены апорны пункт дывізіі — з акопамі, бліндажом, памятным знакам і інфармацыйным стэндам. У 2008 годзе яго ўзьвялі з ініцыятывы жыхароў райцэнтру. Адзін з ініцыятараў стварэньня мэмарыялу Міхаіл Кучарэнка вінаваціць мясцовую ўладу ў тым, што мэмарыял разбураецца.