Лінкі ўнівэрсальнага доступу

Ужо сёньня 5 ліпеня 2015: Купальле ў Менску, дзень нараджэньня Людмілы Рублеўскай


Падзеі і даты гэтага дня

Афіша:

Купальле ў Цэнтральным батанічным садзе ў Менску, 17.00-21.00.

Купальле ў Рэспубліканскім гарналыжным цэнтры «Сілічы», 14.00-18.00.

Другі дзень рыцарскага фэстывалю «Гонару продкаў 2015» у Вялейцы.

Другі дзень фэстывалю сярэднявечнай культуры ў Мёрах.

У гісторыі:

1439 — Падпісана Флярэнтыйская царкоўная унія аб аб’яднаньні праваслаўнай і каталіцкай цэркваў пад уладай Папы.

1772 — Расея, Аўстрыя і Прусія заключылі ў Пецярбургу трактат пра падзел Рэчы Паспалітай (Першы падзел).

1818 — нарадзіўся Антон Яленскі, кіраўнік паўстаньня 1863-1864 гадоў на Меншчыне. Адмовіўся падпісаць адрас вернападданства цару (вернападданы адрас да расейскага цара Аляксандра ІІ), які падпісвала мясцовае дваранства ў 1863, і быў арыштаваны 1 чэрвеня 1863. У 1865 быў асуджаны на 15 гадоў катаргі на цяжкія капальныя работы ў Сыбір.

1965 — нарадзілася Людміла Рублеўская, беларуская паэтка, пісьменьніца, літаратурны крытык.

2001 — У Менску пачаўся Трэці зьезд беларусаў сьвету.

Цытата:

“Агні гараць на вежах. Вораг блізка.
Бывай, мой дружа! Нам не адстаяць
Ні дом, дзе мы гайдаліся ў калысках,
Ні храм, дзе нас хацелі адпяваць.
І колькі ні стаяць на гэтых сьценах,
Зруйнуюць іх. Дарэмна ты – герой,
Бо ціха выпаўзае здрада зь ценю
У час, калі патрэбны кожны вой.
Зруйнуюцца, згараць метал і дрэва,
Камень і шкло... Што застанецца нам?
Але што – сцены? Горад стане гневам,
І сэрцам стане зруйнаваны храм.
І мы і ў гэтым сьвеце, і ў наступны
Ідзём зь любоўю да зямлі сваёй.
Гараць агні на вежах недаступных
Душы тваёй, душы маёй жывой.”

Людміла Рублеўская

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG