У вёсцы Сава, што на Магілёўшчыне ў Горацкім раёне, на адным з дамоў вывесілі расейскі сьцяг напярэдадні афіцыйнага Дня незалежнасьці Беларусі.
Фотаздымак даслаў слухач беларускай Свабоды. Ён не паведамляе пра сябе, толькі адзначае, што сфатаграфаваў хату з расейскім сьцягам у вёсцы Сава.
На ягоную думку, вывешваць сьцягі іншай дзяржавы недапушчальна на тэрыторыі Беларусі. У лісьце пры фатаздымку ён абурана пытаецца: куды глядзяць мясцовая ўлада, сельсавет — чаму не вывешваецца беларуская сымболіка?
Дазваніцца ў сельсавет не ўдалося. На званкі ніхто не адказвае.
