Нарадзіўся 10 студзеня 1966, гарадзкі пасёлак Сапоцкін, Гарадзенскі раён, Гарадзенская вобласьць, Беларусь.
Кіраўнік навукова-дасьледчага цэнтру Мізэса, заснавальнік беларускай школы лібэральнага ўстойлівага разьвіцьця, аўтар больш за тысячу артыкулаў і шасьці кніг па эканамічнай тэматыцы, адзін з распрацоўшчыкаў антыкрызіснай плятформы Аб’яднаных дэмакратычных сілаў.
Скончыў Менскі дзяржаўны лінгвістычны ўнівэрсытэт, асьпірантуру Рэспубліканскага інстытуту вышэйшай школы пры Беларускім дзяржаўным унівэрсытэце, кафедра эканамічных вучэньняў. Дысэртацыя па тэме «Канцэптуальныя падыходы і парадыгмы сыстэмных эканамічных рэформаў у трансфармацыйных грамадзтвах. Параўнальны аналіз».
Працаваў выкладчыкам, журналістам, дырэктарам прадпрыемства, аналітыкам (жнівень 1990 г. — кастрычнік 1997 г).
Галоўны спэцыяліст Камісіі па эканамічнай палітыцы і рэформам Вярхоўнага Савету Рэспублікі Беларусь 13-га скліканьня.
Эканамічны аглядальнік, затым намесьнік галоўнага рэдактара, выканаўчы дырэктар штотыднёвіка «Белорусская газета» (студзень 1997 — травень 2002).
Кіраўнік «Навукова-дасьледчага цэнтру Мізэса» аналітычнага цэнтра «Стратэгія» (зь лютага 2002 г.)
З красавіка 2000 году — намесьнік старшыні Аб’яднанай грамадзянскай партыі. Быў вылучаны кандыдатам у дэпутаты Палаты Прадстаўнікоў па сьпісе Аб’яднаных дэмакратычных сіл на выбарах, якія адбыліся 28 верасьня 2008 году, выбары прайграў.
У красавіку 2009 года кніга Раманчука «У пошуках эканамічнага цуду. Урокі для Беларусі „атрымала Гран-пры міжнароднай прэміі імя сэра Энтані Фішэра ад „Фонду эканамічных дасьледаваньняў Атляс“ у катэгорыі“ маладыя інстытуты».
31 траўня 2010 году быў вылучаны ад імя Аб’яднанай грамадзянскай партыі кандыдатам у прэзыдэнты Беларусі на выбары 2011 году. У якасьці кандыдата ў прэзыдэнты прэзэнтаваў праграму «Мільён новых працоўных месцаў для Беларусі».