Лявон Баршчэўскі

Шаноўны спадар Лявон,
Адкажыце, калі ласка, наколькі рэальнае паразуменне і аб'яднанне з КХП БНФ З. Пазьняка? Ці не разглядаецца магчымасць вылучэння З. Пазьняка ў якасьці старшыні Партыі БНФ (вяртанне ў стан "даВікаўскай эпохі")? І наколькі рэальна гэта ў будучыні?
Дзякуй!

Вітаю,пан Прафесар! Адкажыце калі ласка,якая з праблемаў перспектыў сталення Беларускага грамадства Вам падаецца найбольш істотнаю? І што прапануе партыя БНФ для яе вырашэння.

Цi магчымая, на ваш погляд, свабодная Беларусь без беларускай мовы, па прыкладзе Iрляндыi, дзе становiшча кельцкай мовы нашмат горшае, чым беларускай у Беларусi? Дзякуй.

На бліжэйшым з'ездзе партыі Вы плануеце вылучыць сваю кандыдатуру на прэзідэнцкія выбары.
Зянон Пазняк у нядаўнім інтэрв'ю сказаў, што: «На выбары з Лукашэнкам пойдуць правакатары ці неглыбакадумныя».
Да якой з катэгорыяў Вы сябе адносіце?

Спадар Лявон, для мяне, як партыйца, абсалютна зразумела, што Вашая асоба не можа аб'яднаць нашую партыю, раскол, які праявіўся на мінулым З'ездзе, Вы ўдала захавалі і нават пашырылі. Для чаго тады гэтае вылучэнне, Вы збіраецеся паўтарыць ганебны з'езд 1999 году?

Борщевский, вы собираетесь выдвигаться как партийный кандидат, а также будете участвовать в праймериз ОДС. Прокомментируйте плиз этот абсурд.

Лявон, вы наверно прекрасно оцениваете свои силы, рейтинг, узнаваемость, авторитет. Исходя из этого вы можете рассчитывать в лучшем случае на статус технического кандидата. Так стоит ли втягивать такое количество людей в свои планы, тратить ресурсы ради своих амбиций?

Спадар Баршчэўскі, вы вылучаецеся ў прэзідэнты ад БНФ, заяўляеце пра намер змагацца за перамогу, і пры тым ідзеце ў хаўрус з тымі праймэрыз, якія прапануюць камуністы і АГП. Вылучэньне ў кандыдаты у межах АДС вымагае падпісанньня абавязальніцтва падтрымаць пераможцу праймэрыз. Скажыце, ці гатовыя вы шчыра падтрымаць Калякіна на прэзідэнта Беларусі, калі ён пераможа ў працэдуры АДС?

Некалі Янукевіч зьвярнуўся з гэтым лістом да Аляксандра Мілінкевіча, як Вы думаце чаму за апошні год так зьмянілася яго пазыцыя?

Спадар Аляксандр!

08.09.2008 г. на сайце нямецкай радыёстанцыі Deutche Weile зьмешчаны матэрыял віленскага карэспандэнта радыёстанцыі пад назваю «Былыя палітычныя канкурэнты дэманструюць волю супрацоўнічаць». У той жа дзень гэты матэрыял перадрукавалі сайты www.milinkevich.org, www.charter97.org, www.bdg.by.

У гэтым матэрыяле ўтрымліваюцца Вашыя выказваньні: «Нам вельмі важна на гэтым этапе пабудаваць дыялёг Эўразьвязу з рэжымам. Я ня веру ў тое, што дыктатар у адзін дзень стане дэмакратам. Ня будзе ён дэмакратам, але ён зацікаўлены, каб Расея не забрала Беларусь, бо тады ён там ніхто будзе...

...Я выступаю за тое, каб тыя 12 пунктаў, выстаўленыя Эўракамісіяй, былі напачатку скарочаныя, можа, да трох. Вядома, калі ўлада робіць пэўныя крокі, у адказ - крокі Эўразьвязу...

...Палітыка павінна быць пры нашым удзеле, таму што ніхто ня ведаю так сытуацыю ў Беларусі, як ведаем яе мы. Палітыка не павінна быць прымітыўнай, як барацьба за маральныя каштоўнасьці».

У сувязі з гэтымі нечаканымі выказваньнямі мы просім Вас патлумачыць і адказаць на некаторыя пытаньні, а менавіта:

1. Каго Вы маеце на ўвазе пад словам «Нам»?

2. Якія 3 з 12 патрабаваньняў Эўракамісіі па дэмакратызацыі Беларусі Вы згодныя адстойваць, а ад якіх хочаце адмовіцца?

3. Наколькі стасуецца Вашае жаданьне адмовіцца ад прымітыўнае палітыкі барацьбы за маральныя каштоўнасьці з Вашымі лёзунгамі «Разам! Верым! Можам! Пераможам!».

Просім Вас адказаць на нашыя пытаньні адкрыта ў СМІ, бо лічым, што палітык ня мае права падзяляць свае выказваньні на экспартныя і для ўнутранага ўжытку, бо робіцца незразумелым, калі ж ён кажа праўду.

Просім незалежныя СМІ апублікаваць наш ліст, бо дэмакратычныя грамадзкасьць мае права ведаць сапраўдныя думкі сваіх «куміраў».

Сябры выбарчага штабу А. Мілінкевіча ў 2006 г, намесьнік старшыні Партыі БНФ В. Івашкевіч, намесьнік старшыні Партыі БНФ А. Янукевіч

На каго Вы будзеце абапірацца падчас выбарчай кампаніі, а таксама як вы плянуеце арганізаваць свой будучы штаб?

Ці праўда, што В.Івашкевіч, які не сабраў 1,000 подпісаў за сябе на парл. выбарах 2008, здолее арганізаваць вам прэз. кампанiю?

Якія дасягненні за старшынства, акрамя чыстак?

1."Партыя БНФ захавае сваю самастойнасць, аўтэнтычнасць і вядомасць ў грамадзтве."

У беларускім грамадстве ведаюць две партыі БНФ. Якая з іх аўтэнтычней за другую? Чаму?

2. Амаль адразу пасля заявы аб стварэнні Беларускага Народнага Фронту, а менавіта 16 лістапада 1988 года, паводле ўспамінаў С. Навумчыка, "група літаратараў (У. Арлоў, А. Асташонак, Л. Баршчэўскі і іншыя) апублікавалі ў «ЛіМе» ліст з патрабаваньнем вярнуць у правапіс мяккі знак і пераднаціскное «я», адначасна ацаніўшы моўную рэформу 1933 году як «рэпрэсіўную»".

Як сёння вы, паважаны спадар Баршчэўскі, ацанілі б значнасць гэтай падзеі для далейшага лёсу Фронта - гістарычную ролю мяккага знаку і пераднаціскнога «я», заяўлянную вамі ў той час, калі адлегласць паміж камунізмам і адраджэннем была не менш за бясконцасць?

Колькі яшчэ "моўных падскокаў" (спроб увайсці ва ўладу) патрабуецца лідарам абодвух Франтоў, каб навучыцца "пераскокваць моўную прорву", каб зразумець, што першасна, а што другасна для перамогі ідэалогіі аўтэнтычнага адраджэння нацыі?

Спадар Баршчэўскі, падчас аднаго з мінулых выступаў на Свабодзе, вы адзначылі, што спадар Саннікаў у час сваёй працы ў МЗС прадстаўляў апазыцыі БНФ закрытую інфармацыю аб беларуска-расейскім супрацоўніцтве. Тагачасны лідэр БНФ даволі рэзка аспрэчыў вашае выказваньне:
http://www.pazniak.org/mdl.php?mdl=art&cat=8&art=146

Дык каму верыць?

Вітаю! Хачу запытацца, чаму ў свой час не паразумеліся лідэры нацыянальнай эліты БНФ з рабочым рухам, які напрыканца 80-х пачатку 90-х меў вялікі ўплыў? На мой погляд тое і было фатальным у адрозьненьні ад стварэньня польскай Салідарнасьці і канчатковых вынікаў польскага рушэньня.

Шаноўны Лявон Пятровіч! Вы шмат гадоў выкладалі і выкладаеце, ці няма ў Вас адчування разгубленасьці перад хамствам, якое запаланіла нават шэрагі роднай Вам партыі? Чаго чакаеце ад Управы і намеснікаў на з'ездзе?

Спадар Лявон, адкажыце шчыра - Вы верыце ў тое, што можаце перамагчы на прэзідэнцкіх выбарах? Яшчэ цікава другое: у мінулым годзе вы як бы нехаця пайшлі на старшынства БНФ у якасці кандыдатуры, якая б усіх задаволіла, а ў гэтым выказваецеся пра жаданне пайсці яшчэ далей - на прэзідэнцкія выбары, - чаму?

На сайце А.Мілінкевіча цытуюць Юрася Меляшкевіча. Ён пазыцыянуецца як прадстаўнік Руху за свабоду і лічыць, што пазітыўныя змены нават ва ўмовах існавання цяперашняй палітычнай сістэмы магчымыя, "калі яны не будуць несьці прамой пагрозы рэжыму". Вашыя апанэнты плянуюць паставіць гэтага чалавека на высокую пасаду ў БНФ. Ваш камэнтар (наконт "не дражніць рэжым")?

1. Господин Борщевский, как вы относитесь к тому, что на дверях в офис вашей партии краской пишут названия других организаций?
2. Не считаете ли вы все негативные высказывания в Ваш адрес (среди комментариев-вопросов на этом сайте) происками наемников КГБ?

Спадар Баршчэўскі,
разам зь Сіўчыкам, Статкевічам, Мілінкевічам і Севярынцам вы заяўлялі, што бераце на сябе адказнасьць за вызваленьне ваўкавыскіх прадпрымальнікаў, калі заклікалі маладафронтаўцаў спыніць галадоўку. Што менавіта зрабілі вы і калі ваўкавыскія прадпрымальнікі будуць на волі? Зварот да кіраўніцтва Эўразьвязу й ЗША можна ня згадваць, бо гэта просьба, каб зрабілі ЯНЫ.