Чаму няма "Белсату" на "Sirius"
Спадарожнікавы канал “Белсат”, ня выйшаў, як плянавалася раней, ад пачатку студзеня 2008 году на спадарожнік “Sirius”.
Паводле кіраўніка Аддзелу інфармацыйных праграм каналу Аляксея Дзікавіцкага, гэта зьвязана перадусім з тэхнічнымі праблемамі.
“Новы спадарожнік, які быў запушчаны фірмай “Sirius” у космас напрыканцы мінулага году, пакуль не функцыянуе. Зьявіліся тэхнічныя праблемы, зьвязаныя, сярод іншага, з канфліктам гэтага спадарожніка са спадарожнікам “Hotbird”. Дамова паміж “Белсатам” і ўладальнікам спадарожніка знаходзіцца ў фазе канчатковага ўзгадненьня”.
Кіраўніцтва каналу “Белсат” спадзяецца, што праблемы, зьвязаныя з пераходам на новы спадарожнік, будукць хутка вырашаныя, канкрэтнай даты, аднак, пакуль няма.
Ад 10 сьнежня перадачы “Белсат” можна прймаць са спадарожніка “Astra”.
Ад учорашняга дня час вяшчаньня павялічаны да 6 гадзінаў (з 18-й да 24-й), а да наступнага панядзелку плянуецца аднаўленьне інтэрнэт-старонкі “Белсату”
www.belsat.eu