Салігорскія галадоўнікі ўзятыя пад мэдычны кантроль
01.06.2006 09:45
Севярын Квяткоўскі, Салігорск
Сёньня ад раніцы шасьцёх маладых людзей, якія галадаюць у Салігорску, наведалі лекары. Мэдыкі пракантралявалі стан здароўя ўдзельнікаў акцыі, і паведамілі, што ад 1 чэрвеня будуць штодня ладзіць візыты два разы на дзень – ранкам і вечарам.
Галадоўнікі патрабуюць спыніць крымінальны перасьлед сваіх сяброў зь незарэгістраванай арганізацыі "Малады Фронт". А таксама аднаўленьня на вучобе ў Салігорскім ПТВ-72 Максіма Сяменчыка, які адседзіў 10 сутак за ўдзел у намётавым лягеры на Плошчы.
Сёньня Максім Сяменчык атрымаў паведамленьне з навучальнай установы пра тое, што можа забраць свае дакумэнты. Бацькі галадоўнікаў заклікаюць сваіх дзяцей спыніць акцыю, каб не ствараць пагрозы для здароўя.
Гл.таксама
• Фотарэпартож з Салігорску