Мілінкевіч з Кастрычніцкай плошчы: "Трэба рабіць новыя выбары" (фота)
21.03.2006 04:45
Вольга Караткевіч, Прага
У жывым эфіры Аляксандар Мілінкевіч, адказваючы на пытаньні нашага Радыё, заявіў: "Шкада, што Расея не разумее, што будучыня Беларусі ў тым, што яна павінна быць з намі".
(Вядоўца: ) "Якія ўражаньні ад апошніх двух дзён?"
(Мілінкевіч: ) "Супэр уражаньні, я не чакаў, што будзе штосьці такое на Беларусі, што будзе столькі людзей на вуліцах. І ўначы людзі трымаюцца, яны змаглі прастаяць гэтую ноч".
(Вядоўца: ) "Якія далейшыя захады? Наколькі рэальна дамагчыся пераліку галасоў?"
(Мілінкевіч: ) "Не, я лічу, што трэба рабіць новыя выбары. І мы ўжо сказалі, што гэта павінна быць не пазьней чым у ліпені".
(Вядоўца: ) "Як вы пракамэнтуеце тое, што Расея прызнала вынікі выбараў?"
(Мілінкевіч: ) "Шкада, што Расея не разумее, што будучыня Беларусі ў тым, што яна павінна быць з намі".
