Андрэй Пачобут у судовай зале абвясьціў галадоўку
14.03.2006 16:28
Радыё Свабода
Галоўнага рэдактара часапісу "Magazyn Polski ў выгнаньні" Андрэя Пачобута ўчора затрымалі ў Менску супрацоўнікі КДБ, даставілі яго ў цэнтральны будынак КДБ у Менску, а пазьней прывезьлі ў Горадню. Сёньня каля 19-й гадзіны судзьдзя Ленінскага раённага суду Горадні Натальля Козел вынесла яму прысуд – арышт на дзесяць сутак.
Журналіст нібыта нецэнзурна лаяўся каля будынка сьледчага упраўленьня абласной міліцыі на вул.Ажэшкі ў Горадні, куды яго прывезьлі для гутаркі са сьледчым.
Андрэй Пачобут у судовай зале абвесьціў сухую галадоўку.
Сёньня ж у іншым судзе гораду — Кастрычніцкім – пасадзілі на сем сутак калегу спадара Пачобута па Саюзу палякаў — Юзафа Пажэцкага. Ён таксама нібыта нецэнзурна лаяўся.
На фота: Андрэй Пачобут (архіў)