Паводле неафіцыйных зьвестак, Казуліна могуць зьняць з выбараў

Ён паведаміў сваёй прэсавай сакратарцы, што ён зьбіты, але не скардзіўся на стан свайго здароўя. Судмэдэкспэрты, якія на машыне "Хуткай дапамогі" прыяжджалі ў пастарунак, насамрэч прыяжджалі не да Казуліна, а да трох, як яны сказалі, зьбітых, што паскардзіліся на пабоі. Хто гэтыя людзі, судмэдэкспэрты не патлумачылі.

Крыніцы ў ЦВК у неафіцыйным парадку паведамілі, што Аляксандра Казуліна здымаюць з рэгістрацыі на прэзыдэнцкіх выбарах, і што ягоны выступ па дзяржаўным тэлебачаньні сёньня ўжо не прагучыць.

Прычына зьняцьця з рэгістрацыі – нібыта тое, што на Казуліна нібы то ўжо заведзеная крымінальная справа паводле артыкулу "злоснае хуліганства".

Аднак супрацоўнікі пракуратуры казалі журналістам, што яшчэ ня вырашылі, як кваліфікаваць учынак Казуліна – тое, што ён у дзяжурнай частцы разьбіў партрэт Аляксандра Лукашэнкі.

А 16-й гадзіне пракуратура плянуе даць адказ, ці будзе супраць Казуліна распачатая крымінальная справа за злоснае хуліганства. Гэты артыкул прадугледжвае пазбаўленьне волі да 6 гадоў.

• Кандыдат на прэзыдэнта Аляксандар Казулін зьбіты камандзірам брыгады спэцназу Дзьмітрыям Паўлічэнкам (фотарэпартаж) • Казуліна зьбілі, а потым затрымалі і адвезьлі ў міліцыю • Мілінкевіч выказаў салідарнасьць з Казуліным • Міліцыянты затрымалі і зьбілі прыхільнікаў Аляксандра Казуліна і журналістаў, каля пастарунку чуліся стрэлы • Да Казуліна выклікалі хуткую дапамогу • Пракуратура: у міліцыі Казулін разьбіў партрэт Лукашэнкі