Паліцыя затрымала ў Краснадарскім краі расейскага апазіцыянэра Аляксея Навальнага і супрацоўнікаў фонду барацьбы з карупцыяй (ФБК). Пра гэта паведаміў у «Твітэры» сам Навальны.
Апазыцыянэр паведамляе, што быў затрыманы ў рамках паліцэйскай апэрацыі «Анаконда»
Дырэктар ФБК Раман Рубанаў у сваім «Твітэры» піша, што ўсіх затрыманых правяраюць на дачыненьне да тэрарыстычнай групоўкі «Ісламская дзяржава».
Прадстаўнік Міністэрства ўнутраных спраў РФ па Краснадарскім краі Марыя Пірагова абвергла інфармацыю пра затрыманьне апазыцыянэра і заявіла «Інтэрфаксу», што Навальны проста апынуўся ў аўтобусе, які спынілі ў рамках «прафіляктычнай» апэрацыі «Анаконда».