Лінкі ўнівэрсальнага доступу

Сэпаратысты правядуць парад у Данецку з забароненай Менскімі дамовамі тэхнікай


Улады самаабвешчанай «Данецкай народнай рэспублікі» назвалі віды ваеннай тэхнікі, якія будуць выкарыстоўвацца падчас параду 9 траўня ў Данецку. Згодна зь Менскім пагадненьням, вялікая частка гэтай тэхнікі ня можа ўводзіцца ў горад, які знаходзіцца ў лініі разьмежаваньня.

«Усяго ў парадзе будзе ўдзельнічаць 42 адзінкі тэхнікі. Гэта БТР, БМП-1, БМП-2, танкі Т-62 і Т-64, ўстаноўка» Страла-10 «, ўстаноўка БМ-21» Град «, палкавыя мінамёты, ўстаноўка МТ −12 «Рапіра», гаўбіцы Д-30 і 2А65 «Мста-Б», — распавёў журналістам прадстаўнік узброеных сіл сэпаратыстаў Дзяніс Сінельнікаў.

Напярэдадні ў Данецку прайшла рэпэтыцыя параду. Карэспандэнт «Настоящего времени» паведаміў, што ў ёй удзельнічалі БТР, МТЛБ, гаўбіцы Д-30 і Мста-Б. Апошнія павінны быць адведзеныя ад фронту на 30 кілямэтраў.

Акрамя таго, у рэпэтыцыі бралі ўдзел танкі Т-72, якія павінны быць адведзеныя ад лініі разьмежаваньня на 15 кілямэтраў.

Прысутнасьць цяжкай тэхнікі на парадзе ў Данецку ўкраінскі бок лічыць парушэньнем аднаго з пунктаў Менскіх пагадненьняў. Пра гэта прадстаўнікі Ўкраіны гаварылі на перамовах у Менску ў красавіку.

«Напярэдадні сьвяткаваньня 9 траўня мы папярэджваем прадстаўнікоў асобных раёнаў Данецкай і Луганскай абласьцей: правядзеньне гэтак званага параду ваеннай тэхнікі ў Данецку будзе прамым і грубым парушэньнем Менскіх пагадненьняў. У адпаведнасьці з дамоўленасьцямі, усё ўзбраеньне павінна быць адведзена зь лініі судакрананьня ў месцы пастаяннай дысьлякацыі, і гэты адвод павінен быць пацьверджаны супрацоўнікамі місіі АБСЭ», — паведаміла Дарка Аліфер, прэс-сакратар прадстаўніка Ўкраіны на перамовах Леаніда Кучмы.

Намесьнік кіраўніка спэцыяльнай маніторынгавай місіі АБСЭ Аляксандр Хуг таксама заявіў, што правядзеньне параду з выкарыстаньнем ваеннай тэхнікі парушае Менскія пагадненьні.

«Гістарычная спадчына мае вялікае значэньне, але прысутнасьць цяжкага ўзбраеньня ў Данецку і Луганску зьяўляецца парушэньнем Менскіх дамоўленасьцей і бясьпекі для людзей», — сказаў ён.


Прадстаўнік узброеных сілаў «ДНР» Эдуард Басурын настойвае, што Менскія дамовы не парушаюцца, бо тэхніка прыведзена ў небаяздольнай стан.

«Уся выкарыстаная намі тэхніка ў рамках правядзеньня параду 9 траўня зьяўляецца небаяздольнай», — сказаў Басурын у інтэрвію «Інтэрфаксу».

Кіраўнік самаабвешчанай «ДНР» Аляксандр Захарчанка ў канцы красавіка гаварыў, што правядзеньне параду — «гэта наша асабістая справа», і сэпаратысты ня маюць намеру рэагаваць на заявы АБСЭ.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG