У краме сын бачыць жуйку, якую актыўна рэклямавалі. Я адмаўляю, а малы мне:
— Ты ведаеш, што пасьля гэтай жуйкі зубы сьвецяцца ў цемры, як ліхтарык?
Я разумею, што сытуацыю можна выкарыстаць у пэдагагічных мэтах, і купляю. У хаце малы хапае жуйку, ляціць у душ каб «пасьвяціць зубамі» і выходзіць расчараваны...
Размаўляем пра рэкляму, яе мэту і перабольшаньне блізкае часам да падману. Робім выснову — не давяраць рэкляме без аналізу!
Праз тыдзень жонка крычыць: «Ратунку!». Наш малы нашмараваў пяты клеем «Мамэнт».
— Нашто ты гэта зрабіў?
— Я хацеў на сьцяне пастаяць!
Узгадваю рэкляму, дзе хлопца прыклейваюць «Мамэнтам» да столі...
Ігар Кузьмініч
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
Георгіёс Якавідзіс, «Дзіцячы канцэрт».