Сёньня ў Менску каля Дому ўраду кампанія «Гавары праўду» зладзіла акцыю «Абудзі дэпутата».
Яе сэнс, паводле Андрэя Дзьмітрыева, — нагадаць дэпутатам, якія толькі што вярнуліся з канікул на сваю апошнюю сэсію, і міністрам, чые кабінэты знаходзяцца побач, пра эканамічны крызіс у краіне.
З гэтай мэтай кандыдат у прэзыдэнты на выбарах 2015 году Тацяна Караткевіч разам з Андрэем Дзьмітрыевым раздавалі дэпутатам і чыноўнікам аркушы з прапановамі, як разьвязаць эканамічны крызіс.
Каб абудзіць сваю мэтавую аўдыторыю, лідэры «Гавары праўду» ўзялі з сабой будзільнік. Ён зьвінеў.