Лінкі ўнівэрсальнага доступу

Былы «банкір Крамля» Пугачоў атрымаў у Англіі два гады турмы


Уладзімір Пуцін і Сяргей Пугачоў, 2000 год
Уладзімір Пуцін і Сяргей Пугачоў, 2000 год

Сяргей Пугачоў хаваецца ў Францыі.

Высокі суд Англіі і Ўэльса прысудзіў былога расейскага сэнатара, заснавальніка збанкрутаванага «Межпромбанка» Сяргея Пугачова да двух гадоў зьняволеньня за непавагу да суду і выплаты 75 адсоткаў судовых выдаткаў пазоўнікаў. Сам Пугачоў уцёк ад ангельскага суду ў Францыю.

Як паведамляе ВВС, судзьдзя Роўз прызнала Сяргея Пугачова, якога прэса калісьці звала «банкірам Крамля», вінаватым па 12 пунктах, галоўныя з якіх — уцёкі ад суду ў Францыю насуперак забароне пакідаць Вялікую Брытанію, даваньне хлусьлівых паказаньняў і ўтойваньне ад суду свайго францускага пашпарту.

Сяргей Пугачоў пакінуў Расею па дыпляматычным пашпарце ў 2011 годзе. Спачатку жыў у Францыі, затым перабраўся ў Вялікабрытанію, дзе пражывала яго сям’я. У сьнежня 2013 г. Пугачоў быў абвешчаны ў міжнародны вышук Сьледчым камітэтам Расеі, які абвінавачвае яго ў растраце, махлярстве і прысваеньні 28 мільярдаў рублёў кліентаў заснаванага ім «Межпромбанка» і ў вывадзе гэтых грошай за мяжу.

На працягу многіх гадоў Сяргей Пугачоў быў блізкім сябрам Пуціна. Яны знаёмыя зь сярэдзіны 1990-х гадоў, часу працы Пуціна ў мэрыі Санкт-Пецярбургу.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG